Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

وسپانحان اۋباكىروۆتىڭ ءازىل ولەڭدەرى

2021 jyldyń 21 qazan 2021 18:01

نۇر- سۇلتان. قازاقپارات - «ايتار اڭگىمەمدى نە ءوزىم تۋرالى، نە وزگە تۋرالى ەستەلىكتەن باستاماسام، ايىزىم قانبايتىن ءبىر ادەت تاۋىپ الدىم» دەگەن وسپانحان اۋباكىروۆ تاماشا دۇنيەلەردى ومىرگە الىپ كەلگەن.

ءاربىر ازىلىمەن شىندىقتى جانامالاپ ءوتىپ ساناعا كۇلكى ارقىلى جەتكىزە بىلگەن. اقىننىڭ ءاربىر شىعارماسى تۇنىپ تۇرعان فيلوسوفيا دەسەك قاتەلەسپەيمىز. بۇگىندە باسىلىم بەتتەرىنەن كورىنبەي كەتكەن وسپانحان اۋباكىروۆتىڭ شىعارمالارىنا شولىركەپ جۇرگەندەر دە جەتەرلىك. سونى ەسكەرىپ، اعامىزدىڭ عاجاپ جىر شۋماقتارىن نازارلارىڭىزعا ۇسىنباقپىز.

وتىرىك كۇلكى

شىن كۇلكىمەن ءان جازىپ،

نوتا سىزدىق.

اپىراي،

وتىرىك كۇلكى نە دەگەن وپاسىزدىق؟!

سيىسپايدى- اۋ،

ويباي- اي، سيىسپايدى- اۋ!

بۇ نە دەگەن سۇمپايى كۇلكى بۇل،

ەزۋىڭمەن ەزۋىڭ قيىسپايدى- اۋ!

بۇ سورلى وتىرىك

قانشا ءوربىپ ۇزادى ەكەن؟

(كەيدە ادام وسىندايدا قىزادى ەكەن)

وتىرىك كۇلكى ولىكتىڭ كۇلكىسىندەي،

ادامنىڭ بەت- الپەتىن بۇزادى ەكەن.

شىن بولسا جىلاعان دا جاراسادى،

وتىرىك كۇلىپ بىرەۋلەر ءبىر- بىرنە،

قايتىپ قانا بەت شىداپ قاراسادى؟

شىن كۇلكى - ۇجداننىڭ عوي قۇلدىق ەتەر.. .

اعاتاي، جىرپ- جىرپ ەتپەي شىن كۇلە گور.

تانىسۋ

ءتۇر- تۇلعاسى وزىمنەن اينىماعان،

ءبىر ءداۋ جىگىت قۇشاعىن جايدى ماعان.

ۇستىندە جاعاسى بار سالا- قۇلاش

ەتەك- جەڭى ەسكىلەۋ الا پلاش.

ساقالى ءتورت- بەس كۇندەي الىنباعان،

شاشى كيىز سەكىلدى قابىلماعان.

ءسوزىن ادام تۇسىنبەس قۇراق- قۇراق،

(قايدان شىقتى مىنا ءبىر شۇناق قۇلاق؟!)

سويتە تۇرا بەتىمە كوپ قارايدى،

ساسقانىم با بويىما وت تارايدى.

«ساۋ بول!» دەپ كەتە باردى، قالا بەردىم

وسىنداي وزىمە ۇقساس بالا كوردىم.

سەكىلدى وكپەلەسكەن الىس دوسىم،

اپىراي، بۇل نە دەگەن تانىس پوشىم؟ )

كەيىننەن ءتۇستى ەسىمە - بالام ەكەن،

ايەلدەن اجىراسقان جامان ەكەن.

ءبىر شۋماق

ءبىر پەندەدەن ءبىر پەندە كەندە تۋار،

ءبىرى جەمگە، بىرەۋى ەمگە تۋار.

ەمگە تۋار ەسىل ەر كەشەڭ تۋار،

جەمگە تۋار قۋ مەشكەي دەمدە تۋار.

massaget.kz


Basty sózder: قوعام,
Joǵary qaraı