Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

كۇلكىنىڭ تۇرلەرى

2021 jyldyń 11 qazan 2021 17:26

نۇر- سۇلتان. قازاقپارات - كۇلدىرە ءبىلۋ - ونەر، كۇلە ءبىلۋ - ءومىر، كۇلكىگە قالۋ - ءولىم.

كۇلە ءبىلۋ - ونەر. ويتكەنى ءدال بۇگىنگى قوعامدا كۇلۋگە قاراعاندا كۇيزەلىسكە ءتۇسىپ، كوڭىلسىزدىك تورىنان شىعا الماي جۇرگەن جاندار كوپ. باستى ماسەلە - جۇمىسسىزدىق جانە جىگەر جوعالۋى. ءبىراق عالىمدار كۇلۋ ادام ءومىرىنىڭ ۇزارۋىنا اسەر ەتەدى دەپ وتىر. بۇل - شىندىق. ويتكەنى ادامنىڭ كوڭىل- كۇيى كوتەرىڭكى بولۋى، ونىڭ كۇن سايىن كۇلىپ ءجۇرۋى، ۋايىمنىڭ جوقتىعى دەنىنىڭ ساۋىلعىنا تىكەلەي قاتىستى.

ءبىز وسى كۇلكىنىڭ وزىنە زەردەلەۋ جاساپ كەلىپ، ونىڭ دا وزىندىك تۇرلەرى بار ەكەنىن انىقتاپ وتىرمىز.

ورىندى كۇلكى

جىگىتتەر، ويىن ارزان، كۇلكى قىمبات،

ەكى ءتۇرلى نارسە عوي سىر مەن سىمبات.

ارزان، جالعان كۇلمەيتىن، شىن كۇلەرلىك،

ەر تابىلسا، جارايدى قىلسا سۇحبات، - دەپ اباي دانا ايتقانداي، ورىندى كۇلكىنىڭ ءجونى بولەك. قانداي ورتادا وتىرساڭىز دا، ءوز كۇلكىڭىزدىڭ سىرتقا شىعۋىنا ءمان بەرىڭىز. ويتكەنى ورىندى كۇلكى عانا وزىنە كەرەك نىساناسىن تابا الادى.

ورىنسىز كۇلكى

كوپشىلىك ورتادا وتىرىپ، ءوزىڭىز قالاماعان نارسەگە ىرجالاقتاپ، تىرجىڭداپ كۇلۋ - ورىنسىز كۇلكى. ياعني، ءار ءسوزدىڭ استارىنا ءمان بەرمەي، ايتىلسا بولدى، كۇلە بەرۋ ەڭ جامان قاسيەتىڭىز بولىپ قالا بەرەدى. ورىنسىز كۇلكىنىڭ ورنى ويىقتا.

ىزالى كۇلكى

ءار ادام كەز كەلگەن جاعدايدا بەلگىلى ءبىر وقيعادان اشۋ- ىزاعا بۋلىعۋى مۇمكىن. بۇل ادام بويىنداعى قاسيەتتەردىڭ ءبىرى عانا. ءبىراق ىزالانىپ تۇرىپ كۇلۋ - بۇل باسقا دۇنيە. ويتكەنى ىشتەن ىزا قىسىپ تۇرسا، ءسىز سول ىزاڭىزدى سابىرلىقپەن قابىلداپ، سىرتقا ەشقانداي ەموتسياىڭىزدى بىلدىرمەي، ءبىراق تىرىسىپ كۇلسەڭىز بۇل ءسىزدىڭ كوڭىلىڭىز توق ەمەس ەكەنىن كورسەتەدى. ىزالى كۇلكىلەر كوبىنەسە امالسىزدان تۋىندايدى.

رياسىز كۇلكى

بۇل شىنايى ءارى كەرەمەت كۇلكى. بۇل كۇلكىگە قاراپ وتىرىپ، ءسىز ادامنىڭ سىرتقى بەينەسىنەن- اق ونىڭ سىزگە دەگەن ادالدىعىن بايقاي الاسىز. مۇنداي كۇلكىلەر تەك ادامنىڭ وزىنە عانا پايدا اكەلمەيدى، سونىمەن قاتار اينالاسىنا دا شۋاعىن توگىپ تۇرادى. مۇنداي كۇلكىنىڭ يەسىمەن رياسىز قارىم- قاتىناسقا تۇسۋگە ىنتالانىپ تۇراسىز.

قۋانىشتىڭ كۇلكىسى

اياق استى ايعايعا سالىپ، «الاقايلاپ»، جۇزىنەن نۇر كورىنىپ كۇلكىپ بارا جاتقان ادامى كورسەڭىز، وندا ونى قۋانىشتىڭ كۇلكىسى دەپ قابىلداڭىز. ويتكەنى قۋانىشتىڭ كۇلكىسىن جاسىرۋ مۇمكىن ەمەس.

جىلارمان كۇلكى

كوڭىلىندە مۇڭى بار، ءىشقۇسالىققا ءتۇسىپ تۇرعان ادام كەيدە كوزىنە جاسا الا وتىرىپ كۇلەتىن كەزدەرى بار. بۇل - جىلارمان كۇلكى. جىلارمان كۇلكىنى كوبىنە سابيلەر مەن جاس بالالاردىڭ بويىنان كورە الاسىز.

قۋ كۇلكى

ءسىزدىڭ دە وزگەنىڭ دە كوڭىلىن تاۋىپ، ءوزىنىڭ پايداسىنا شەشىلەتىن كۇلكىلەر دە بار. بۇل - قۋ كۇلكى. قۋ كۇلكىنى كوبىنەسە ساۋداگەرلەر مەن ايلاركەرلەر پايدالانىپ جاتادى. ويتكەنى قۋ كۇلكى ارقىلى قاسىڭىزدا تۇرعان ادامنىڭ كوڭىلىن تابۋعا، ونى الداپ سوعۋعا بولادى.

كۇلكى تۇرلەرىن ءبىلۋ جانە كۇلە ءبىلۋ ءسىزدىڭ ءوز ورتاڭىزدا ابىرويلى بولۋىڭىزعا سەبەپكەر بولادى.

كۇلىپ ءجۇرىڭىز. ءبىراق ورنىمەن كۇلىڭىز!

massaget.kz


Basty sózder: مادةنيةت, قوعام,
Joǵary qaraı