Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraýdy karantınge jabatyny týraly jalǵan aqparat tarady

2021 jyldyń 9 jeltoqsan 2021 20:06

ATYRAÝ. QazAqparat – Atyraýdy karantınge jabatyny týraly jalǵan aqparat tarady, dep habarlaıdy QazAqparat.

Buǵan deıin WhatsApp messendjerinde «10 jeltoqsannan bastap Atyraýdy karantınge jabady» degen aqparat taraǵan. Atyraý oblysynyń ákimdigi bul aqparatty joqqa shyǵardy.

«Bul aqparat negizsiz. 2021 jylǵy 8 jeltoqsanda Atyraý oblysynyń bas memlekettik sanıtarlyq dárigeriniń №24 «Atyraý oblysynda shekteý karantındik sharalary jáne olardy kezeń-kezeńimen jeńildetý týraly» qaýlysy shyqty. Onda Atyraý oblysynyń bas memlekettik sanıtarlyq dárigeriniń 2021 jylǵy 29 qyrkúıektegi №23 qaýlysyna ózgerister men tolyqtyrýlar engizilgen. Jańa qaýlyda Atyraý oblysynyń tolyq karantınge jabylǵany týraly málimet kórsetilmegen», - dep habarlady oblys ákimdiginen.

Ákimdik jalǵan aqparat taratqandarǵa emes, tek resmı derekkózderge senim artýǵa shaqyrdy.

Eske sala ketelik, buǵan deıin Atyraý oblysynda kópshilik is-sharalardy ótkizýge tyıym salynǵanyn jazǵan edik.


Joǵary qaraı