Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ekibastuzda órt sóndirýshi tútindegen páterden 7 jasar balany alyp shyqty

2021 jyldyń 9 jeltoqsan 2021 13:10

EKІBASTUZ. QazAqparat – Ekibastuz qalasynda turǵyn úıdegi órtti óshirgen órt sóndirýshilerge joǵarǵy qabattaǵy páterde bala qalyp qoıǵany týraly aqparat kelip túsken, dep habarlaıdy QazAqparat.

«Ekibastuz qalasyndaǵy órt týraly habarlama № 2 mamandandyrylǵan órt sóndirý bóliminiń «101» nómirine 8 jeltoqsan kúngi saǵat 15:34-te kelip túsken. Órt Júsip kóshesi, 71-shi úıdiń úshinshi kireberisi, tórtinshi qabatynan shyqty», - dep baıandady tilshilerge Pavlodar oblystyq Tótenshe jaǵdaılar departamentiniń baspasóz qyzmetinen.

Oqıǵa ornyna bes mınýtta kelip jetken órt sóndirýshiler úsh bólmeli páterdegi balkon terezeleriniń aǵash jaqtaýlary, al jatyn bólmede – jıhaz órtengenin anyqtady.

Jalyn 6 sharshy metr aýmaqty sharpyǵan. Tóńirektiń barlyǵy tútinge orandy.

5 adam órt sóndirýshiler kelgenshe úıden ózdiginen shyqty, dep atap ótti TJD-dan. Órt sóndirýshiler barlyq páterlerdi aralap shyǵyp, tútindi alastap jiberdi.




«Qutqarýshylar jalyn shyqqan páterden bir qabat joǵary ornalasqan páterde 7 jasar balanyń qalyp qoıǵany týraly aqparat kelip tústi. Balanyń anasy tútindegen páter esigin kiltpen ashqan soń, aǵa órt sóndirýshi Efım Kýznetsov onyń ishinen 2014 jylǵy balany syrtqa alyp shyqty», - dep baıandady qutqarýshylar.

Balany tekserip shyqqan dárigerler oǵan medıtsınalyq kómek qajet emes ekenine kóz jetkizdi. Jalyn 28 mınýtta sóndirildi, dep qosyp ótti departamentten.

Oqıǵa ornynda Pavlodar oblystyq TJD jeke quramynyń 10 qyzmetkeri men 3 tehnıka, 103, 102 qyzmetteri jáne elektr júıesi jumys istegen.

Órttiń shyǵý sebepteri men odan bolǵan shyǵyn anyqtalýda.






Basty sózder: Pavlodar oblysy, Oqıǵa, Órt,
Joǵary qaraı