Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmola oblystyq kitaphanasy 75 jyldyǵyn atap ótýde

2021 jyldyń 8 jeltoqsan 2021 21:00

KÓKShETAÝ. QazAqparat - El Táýelsizdiginiń 30 jyldyǵynda Maǵjan Jumabaev atyndaǵy Aqmola oblystyq ámbebap ǵylymı kitaphanasynyń qurylǵanyna 75 jyl tolady. Osy oqıǵaǵa oraı «Táýelsiz eldiń zamanaýı kitaphanasy» atty oblystyq forým ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.

Sharada sóz sóılegen oblystyq Mádenıet, arhıvter men qujattamalar basqarmasynyń basshysy Aıgúl Sábıtova mekemeniń oblys kitaphanalaryn jańǵyrtýǵa qosqan zor úlesin atap ótti.

«Tarıhy 1919 jyly bastalǵan oblystyq kitaphana oqyrmandar úshin kóptegen jyldar boıy kitaphanalyq, bıblıografııalyq, aqparattyq qyzmet kórsetip qana qoımaı, óskeleń urpaqty tárbıeleıtin bilim ordasyna aınaldy. Mekeme kitaphanalardy aqparattandyrý salasyndaǵy óńirlik saıasatty qalyptastyrýǵa, óńirlik baǵdarlamalardy ázirleýge qatysady. Mekeme qyzmetkerleri basqa kitaphanalardaǵy áriptesterimen tájirıbe almasady», - dedi Aıgúl Sábıtova.

Maǵjan Jumabaev atyndaǵy kitaphana qory 360 myń qujattan asatyn oblystaǵy eń iri aqparattyq-mádenı ortalyq bolyp tabylady. Kitaphana oqyrmandarynyń sany 31 myńnan asady. Kitaphananyń veb-saıtyna 300 myńnan astam dana túrli baspa basylymdary, elektrondyq resýrstar, aýdıovızýaldy qujattar beriledi.

Forým barysynda kitaphana isiniń ardagerleri, oblystyq jáne aýdandyq kitaphanalardyń mamandary «Kitaphana ardageri», «Kitaphana úzdigi» tósbelgilerimen, Aqmola oblysy ákiminiń, mádenıet, arhıvter men qujattamalar basqarmasynyń alǵys hattary jáne baǵaly syılyqtarmen marapattaldy. Sonymen birge, «Úzdik oqıtyn otbasy-2021» baıqaýynyń júldegerlerine de syı-qurmet kórsetildi.

Aıta keteıik, oblystyq ámbebap ǵylymı kitaphana birneshe ret «Rýhanı qazyna» mádenıet jáne óner mekemeleri men qyzmetkerleriniń respýblıkalyq baıqaýynyń jeńimpazy atandy. 2020 jyly kitaphana «Memlekettik kitaphanalardyń úzdik saıty» nomınatsııasynda jeńimpaz bolyp tanylsa, 2021 jyly «Úzdik ınklıýzıvti joba - 2021» nomınatsııasynda jáne «Mádenıet janashyry»jeke nomınatsııasynda jeńimpaz atandy.


Avtor Aslan Ospanov
Basty sózder: Qoǵam, Mádenıet, Aqmola oblysy, Aımaq,
Joǵary qaraı