Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Batys Qazaqstanda koronavırýs juqtyrý kórsetkishi 16,4 paıyzǵa azaıdy

2021 jyldyń 8 jeltoqsan 2021 13:20

ORAL. QazAqparat – Batys Qazaqstan oblysynda sońǵy aptada aldyńǵymen salystyrǵanda, koronavırýs juqtyrý kórsetkishi 16,4 paıyzǵa (21 naýqasqa) azaıdy, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, oblysta pandemııa bastalǵannan beri 39 837, sonyń ishinde bıyl 30 616 adam vırýs juqtyrdy.

Jyl basynan beri syrqattanǵan 3011 balanyń 3001-i jazylyp shyqty. 10-y emdelýde.

Oqý jyly bastalǵannan beri 883 oqýshydan koronavrýs anyqtaldy. Qazirgi kezde Shyńǵyrlaý aýdany bas memlekettik sanıtar dárigeriniń qaýlysyna sáıkes 1 mektepte 1 synyp karantınge jabyldy.

Oblysta 286 adam úı jaǵdaıynda, 113 naýqas statsıonarlarda em qabyldaýda. Jansaqtaý bólimshelerinde jatqan 11 adamnyń jaǵdaıy aýyr. Bulardyń tórteýi ınvazıvti emes jasandy tynys alý apparatyna, jeteýi ottegi kontsentratoryna qosylǵan.

Jyl basynan beri 672, sońǵy aptada 4 adam koronavırýstan kóz jumdy.

Basqarma málimetine qaraǵanda, 250 734 adam (egilýge tıisti turǵyndardyń 60,5 paıyzy) vaktsınanyń І, 234 274-i (56,5 paıyzy) ІІ komponentimen egildi.

Oblys boıynsha 1 706 adam revaktsınatsııadan ótti. Sondaı-aq 2 746-sy Pfizer vaktsınasyn saldyrsa, bulardyń 1 563-i – jasóspirimder, 83-i – júkti, 1 100-i – bala emizetin áıelder.

Eske sala keteıik, budan buryn Batys Qazaqstanda 1500-ge jýyq adamnyń revaktsınatsııadan ótkenin jazǵan bolatynbyz.


Joǵary qaraı