Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda jańa bilim berý tájirıbeleri talqylanyp jatyr

2021 jyldyń 8 jeltoqsan 2021 04:05

ALMATY. QazAqparat – Búgin Almatyda EdCrunch Glocal bilim berýdegi jańa tehnologııalar boıynsha konferentsııa bastaldy. Qazaqstan Táýelsizdiginiń 30 jyldyǵyn merekeleýge arnalǵan sharanyń ashylýyna Almaty ákimi Baqytjan Saǵyntaev qatysty, dep habarlaıdy QazAqpaoat tilshisi.

Konferentsııa baǵdarlamasy «Balalardyń erte damýy»; «XXI ǵasyr mektebi jáne daǵdylary»; «Tsıfrlyq ýnıversıtet, korporatıvtik oqytý», «EdCrunch Stage, EdTech naryq jáne ınvestıtsııalar»; «EdCrunch Night – edutainment event (bilim berý shoýy)» ataýly trekterden turady. Konferentsııanyń negizgi taqyryby – «Jańa bilim berý tájirıbesin jobalaý» (Learning experience design).

Shara qatysýshylaryna arnaǵan sózinde megapolıs ákimi Baqytjan Saǵyntaev ýaqyt syn-tegeýrinderine durys jaýap izdeý jáne jańa bilim berý tájirıbesin qalyptastyrý strategııalyq mańyzy bar máseleler ekenin atap ótti.
«Kún tártibinde – bilim berý sapasyn damytý jáne onyń naryq pen qoǵamnyń úmitine sáıkestigi máseleleri. Osy mindetterdi sheshý maqsatynda biz «Almaty 2050» jańa strategııasyn iske asyramyz, ol barshaǵa ashyq, qazaqstandyq talanttyń, týrızm men ınnovatsııanyń ósip kele jatqan orny úshin adamortalyq qala qurýǵa baǵyttalǵan. Ótken jyldan bastap qalada bilim berý júıesin álemdik deńgeıge deıin odan ári damytýǵa baǵyttalǵan damý baǵdarlamalary iske qosylǵanyn atap ótken jón», - dedi Baqytjan Saǵyntaev.
Konferentsııa jumysyna 25 elden 400-den astam spıker qatysty. Eki kún ishinde 150 sóz sóıleý, saraptamalyq sessııa, paneldik pikirtalas jáne sheberlik sabaqtary ótedi. Qatysýshylar pedagogıkalyq dızaın salasyndaǵy ozyq tájirıbelerimen bólisip, bilim berý salasynyń bolashaǵy jáne jańa tehnologııalardyń, oqytý salasyndaǵy ǵylym jetistikteriniń áseri máselelerin talqylaıdy.
Avtor Alma Muqanova
Basty sózder: Almaty, Bilim,
Joǵary qaraı