Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Serke Qojamqulovtyń týǵanyna 125 jyl toldy

2021 jyldyń 7 jeltoqsan 2021 22:38

ALMATY. QazAqparat - Almatyda qazaq óneriniń aıtýly ókili, akter, rejısser, Qazaqstannyń Halyq ártisi Serke Qojamqulovtyń týǵanyna 125 jyl tolýyna oraı kesh ótti, dep habarlaıdy QazAqparat tilshisi.

«Alataý» dástúrli óner teatrynda ótken keshti Almaty qalasynyń Mádenıet basqarmasynyń basshysy Ǵanı Maılybaev ashty.

Onyń aıtýynsha, halyq ártisiniń mereıtoılyq keshi qala ákimi Baqytjan Saǵyntaevtyń qoldaýymen ótip otyr.

«Táýelsizdiktiń 30 jyldyǵy qarsańynda sizderdiń júrekterińizden oryn alǵan, súıikti ártisterińiz Serke Qojamqulovtaı dara tulǵany keremet keshpen eske alý arqyly esimin dáriptep qana qoımaı, tarıhqa altyn áritptermen jazyp qaldyrý maqsatynda búgingi kesh uıymdastyryldy. Aldaǵy ýaqytta Almaty qalasynda bul baǵyttaǵy jumystar jalǵasyn tabatyn bolady», - dedi Ǵ.Maılybaev.
Keshke belgili kıno jáne teatr maıtalmandary Tuńǵyshbaı Jamanqulov, Saǵat Jylgeldıev, Bekjan Turys, Rahman Omar, Jomart Zeınábil jáne Maqsat Rahmet, Serjan Musaıyn, «Qońyr» toby, «Alataý serileri» toby, «Saltanat» memlekettik bı ansambli taǵy da basqa óner juldyzdary qatysty.








Aıta ketsek, Serke (Seráli) Qojamqulov qazaq óneriniń aıtýly ókili, birtýar entsıklopedıst – akter, Qazaq KSR-nyń halyq ártisi, KSRO jáne Qazaq KSR Memlekettik syılyqtarynyń laýreaty, Sotsıalıstik Eńbek Eri. Zamanynda «Sahnaǵa Serke shyqqanda kúlmegen kisiniń beti qısaıyp ketedi» degen mátel shyqqan.





Joǵary qaraı