Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaırat Kelimbetov mobıldi aýdarym máselesine pikir bildirdi

2021 jyldyń 7 jeltoqsan 2021 07:53

NUR-SULTAN. QazAqparat – QR Strategııalyq josparlaý jáne reformalar agenttiginiń tóraǵasy Qaırat Kelimbetov mobıldi aýdarymdar boıynsha týyndaǵan máselege pikir bildirdi, dep habarlaıdy QazAqparat.

«Qazir Qazaqstanda mobıldi aýdarymdar jóninde qyzyq jaǵdaı bolyp jatyr. Siz Ulttyq banktiń burynǵy tóraǵasy retinde jańa tehnologııalyq ınfraqurylymnyń qalyptasqanyn kórdińiz. Endi elektrondyq ámııandardy baqylaýdy kúsheıtýge qalaı qaraısyz?»,- dep surady «Habar» telearnasyndaǵy «Ulttyq múdde» baǵdarlamasynyń júrgizýshisi Erlan Bekhojın spıkerden.

«Munda eki sátti atap ótý qajet. Bir jaǵynan, biz mobıldi aýdarymdardy yntalandyrýymyz kerek. Ózderińiz bilesizder, jańa ekojúıe paıda boldy, sonyń arqasynda kúndelikti ómirde kommýnaldyq shyǵyndardy tólep, kınoteatrlar men dúkenderde tólem jasaıtyn Qazaqstan azamattary ǵana emes, kásipkerler de muny bıznesin júrgizýge qoldana bastady. Meniń oıymsha, munda qolma-qol tólemge negizdelgen ekonomıkadan onlaın tólemge kóshken tóńkeris bolyp jatqanyn aıtý kerek. Ekinshi deńgeıli bankter tsıfrlandyrý jarysyn bastady. Bul protsesti toqtatýǵa bolmaıdy, bul - el úshin óte mańyzdy ári qajetti protsess», - dedi Qaırat Kelimbetov baǵdarlama efırinde.

Agenttik tóraǵasynyń aıtýynsha, salyq salý máselesi týyndaǵan jaǵdaıda qarjy retteýshimen, Ulttyq bankpen jáne tikeleı osy naryqtyń qatysýshylarymen ekojúıeni damytýǵa zııan keltirmeı kelisý qajet.

«Meniń jeke kózqarasym – qazirgi kezeńde ekojúıeniń damýyn yntalandyrý qajet shyǵar. Sodan keıin jalpymemlekettik tsıfrlyq ekojúıeniń bir bóligine aınalatyn, qandaı da bir salyq salý máselesi kóteriletin jáne bul azamattarymyz ben kásipkerlerimizdi mazalamaıtyn kezeń sózsiz, tabıǵı jolmen ózi keledi», - dedi Q. Kelimbetov.


Joǵary qaraı