Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaýipsizdik talaptaryn buzǵan 20 myńnan astam jaǵdaı anyqtaldy - mınıstr

2021 jyldyń 6 jeltoqsan 2021 18:11

NUR-SULTAN. QazAqparat – Qazirgi ýaqytta 9 myńnan astam kásiporyn jáne 230 myńnan astam qaýipti óndiristik nysan qadaǵalaýǵa jatady. Bul týraly Májilistegi azamattyq qorǵaý júıesine qatysty Úkimet saǵatynda Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat tilshisi.

«Ónerkásiptik qaýipsizdik salasyndaǵy memlekettik qadaǵalaý júıesi azamattardyń jáne qorshaǵan ortanyń qaýipsizdigine qater tóndiretin taý-ken, metallýrgııa, munaı-gaz óndirý, munaı-hımııa, hımııa jáne ónerkásiptiń basqa da salalaryndaǵy tehnogendik avarııalardyń aldyn alýǵa baǵyttalǵan. Qazirgi ýaqytta 9 myńnan astam kásiporyn (9 157) jáne 230 myńnan astam qaýipti óndiristik nysan qadaǵalaýǵa jatady», - dedi ıÝ. Ilın.

Onyń aıtýynsha, óndiriste tehnogendik avarııalardyń týyndaý qaýpi burynǵysynsha joǵary deńgeıde qalyp otyr. Bıyldyń basynan bastap qaýipti óndiristik obektilerde 19 avarııa jáne 1 355 oqys oqıǵa tirkeldi, nátıjesinde 18 (adam zardap shekti, onyń ishinde 9 adam qaza tapty.

Avarııalardyń negizgi sebepteri: ónerkásiptik qaýipsizdik talaptaryn buzý, paıdalanylatyn jabdyqtyń tozýy, qyzmetkerlerdiń óndiristik jáne eńbek tártibiniń tómendigi.

«Qaýipti óndiristik obektilerde avarııalardyń týyndaýynyń aldyn alýdyń negizgi is-sharalarynyń biri ınspektorlardyń ónerkásiptik qaýipsizdik talaptaryn buzýshylyqtardy ýaqtyly anyqtaýy bolyp otyr. 9 aıdyń qorytyndysy boıynsha erekshe tártip boıynsha 826 jáne 526 jospardan tys tekserý júrgizildi. Inspektorlar 24 933 obektini tekserdi, ónerkásiptik qaýipsizdik talaptaryn buzýdyń 23 333 jaǵdaıy anyqtaldy, 130 mıllıon teńgeden astam somaǵa 983 ákimshilik aıyppul salyndy. Adamdardyń ómiri men densaýlyǵyna qaýip tóndiretin ónerkásiptik qaýipsizdik talaptaryn óreskel buzǵany úshin ınspektorlar 361 obektini jáne 4 sýbektini toqtatty. Bir ınspektorǵa júkteme 603 nysandy quraıdy, ınspektorlardyń jalpy sany barlyǵy 381-ge jetti», -dedi vedomstvo basshysy.


Joǵary qaraı