Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq bank jalpy ishki ónim týraly boljamdy jańartty

2021 jyldyń 6 jeltoqsan 2021 18:08

NUR-SULTAN. QazAqparat – QR Ulttyq banki Qazaqstannyń áleýmettik-ekonomıkalyq damý qarqyny týraly boljamyn ózgertti, dep habarlaıdy QazAqparat tilshisi.

«Jańartylǵan bazalyq stsenarıı boıynsha Qazaqstannyń JІÓ-niń kútiletin ósýi 2021 jyldyń sońyna qaraı 3,7-4,0% deńgeıinde saqtalady. Negizgi salym ishki suranys pen eksport tarapynan kútiledi. Úı sharýashylyqtaryn tutyný halyqtyń ósip kele jatqan kirisi jáne tutynýshylyq kredıtterdi berýdiń Turǵyn úı qurylysyna salynǵan ınvestıtsııalar ekonomıkanyń ósýine qosymsha áser etedi. Bul rette ishki suranystyń ósýi aıasynda ımport JІÓ-niń barynsha jyldam ósýin tejeıdi. OPEK+ munaıdy táýlik boıy óndirý jónindegi shekteýlerdiń birtindep álsireýi, sondaı-aq áriptes elderdegi ekonomıkalyq belsendiliktiń ósýi eksportty qalpyna keltire bastady. Tek memlekettiń eńbekaqy tóleýge jáne taýarlar men kórsetiletin qyzmetterdi satyp alýǵa arnalǵan shyǵystarynyń baıaýlaýy memlekettik basqarý organdarynyń tutyný qarqynyn tómendetedi», - dep jazylǵan mınıstrliktiń málimetinde.

Ulttyq bank keler jyly jalpy ishki ónimniń ósimi buǵan deıingi boljamnan tómen bolý múmkin ekenin joqqa shyǵarmaıdy.

«2022 jyly JІÓ-niń ósý qarqyny shamaly tómendeý jaǵyna qaıta qaralyp, 3,9-4,2% deńgeıinde bolady dep kútilýde. Qaıta qaraý Qazaqstannyń saýda boıynsha áriptes elderinde ekonomıkalyq belsendiliktiń qalypty ósýine, jahandyq jáne jergilikti jetkizý tizbekterindegi irkilisterdiń Qazaqstan ekonomıkasyna barynsha teris áserine baılanysty.

Aldyńǵy boljamdy raýndpen salystyrǵanda shyǵarylym alshaqtyǵynyń baǵyty tómendeý jaǵyna qaraı qaıta qaraldy. Bul jıyntyq suranys komponentteriniń ósýi boıynsha neǵurlym tómen baǵalarǵa jáne jalpy ekonomıkalyq belsendilikke baılanysty. Orta merzimdi kezeńde shyǵarylymnyń alshaqtyǵy nólge jaqyn belgilerde bolady», - dep jazady Ulttyq bank sarapshylary.


Joǵary qaraı