Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda jyl saıyn 4,5 myńǵa deıin orman, dala órti tirkeledi

2021 jyldyń 6 jeltoqsan 2021 18:04

NUR-SULTAN. QazAqparat – Órt qaýipsizdigine baılanysty 1 myńnan astam nysandy paıdalaný toqtatyldy. Bul týraly Májilistegi azamattyq qorǵaý júıesine qatysty Úkimet saǵatynda Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat tilshisi.

«Bıyl órt sany 8%-ǵa azaıdy (2020 j. - 9 420, 2021 j. - 8 662), negizgi memlekettik órt baqylaýyna túsetin salalardaǵy, óndiristik maqsattaǵy, bilim berý jáne densaýlyq saqtaý ǵımarattary men qurylystaryndaǵy, saýda kásiporyndaryndaǵy órtterdiń sany tómendeýinen azaıdy. Órttiń negizgi sebepteri: qarapaıym talaptar men órt qaýipsizdigin qamtamasyz etý sharalaryn saqtamaý, aqaýly elektr quraldaryn paıdalaný, qaýipsiz júris-turys daǵdylarynyń bolmaýy. Júrgizilgen tekserýler nátıjesinde 99 myń tártip buzýshylyq anyqtalǵan (98 655), 16 myńnan astam jeke jáne zańdy tulǵalar ákimshilik jaýapkershilikke tartyldy, 1 myńnan astam nysandy paıdalaný toqtatyldy (1 058)», - dedi ıÝ. Ilın.

Onyń aıtýynsha, óńirlerde tsıfrlandyrý aıasynda onlaın-rejımde ákimshilik hattama jasaýǵa múmkindik beretin «ÁІBT» ákimshilik is júrgizý júıesi josparly túrde engizildi. Tekserýlerdiń ashyqtyǵy men zańdylyǵy úshin ınspektorlyq quram portatıvti beınetirkegishterdi keńinen qoldanady.

«Orman jáne dala tabıǵı órtteri halyq pen óńirler úshin úlken qaýip bolyp otyr. Jyl saıyn orta eseppen elimiz boıynsha 4,5 myńǵa deıin orman ári dala órti bolady, bul rette janý alańy shamamen 100 myń gektardy quraıdy. Órtten kelgen shyǵyn jylyna 1,8 mıllıard teńgeden asady. Sondyqtan óńirlerde tıisti aldyn alý jumystaryn biz júrgizemiz, biraq ol árqashan nátıjeli bola bermeıdi», - dedi mınıstr.

Onyń sózine qaraǵanda, orman-dala qoryna irgeles jáne aýdan ortalyqtarynan shalǵaıda ornalasqan aýyldy eldi mekenderdi órtten qorǵaý áli nashar kúıinde qalyp otyr. Olarda memlekettik órtke qarsy qyzmet bólimsheleri joq, sondyqtan ákimdikterge órt sóndirý beketterin qurý mindeti júktelgen. Bul «Azamattyq qorǵaý týraly» Zańmen qarastyrylǵan.


Joǵary qaraı