Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bilim berý uıymdaryn attestattaý qaǵazdyń kóbeıýine ákep soqpaýy kerek - Aımaǵambetov

2021 jyldyń 6 jeltoqsan 2021 18:10

NUR-SULTAN. QazAqparat – Bilim berý uıymdaryn attestattaý qaǵazdyń kóbeıýine ákep soqpaýy kerek. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Memlekettik attestaýdan ótpek bolǵan balabaqshalardyń 80 paıyzǵa jýyǵy attestatsııa rásiminen óte almady. Bul - sapa boıynsha suraq bar degendi bildiredi. Osy ýaqytqa deıin balabaqsha deńgeıinde memlekettik baqylaý tetigi bolmaǵan. Jáne de ózderińiz jaqsy bilesizder, balabaqshalar lıtsenzııany da almaıdy. Lıtsenzııasyz jumys isteıdi. Bul sheshim kezinde balabaqshalardyń sanyn jyldam ulǵaıtý úshin qoldanylǵan bolatyn. Nátıjesinde qazirgi ýaqytta 3-6 jas aralyǵyndaǵy balalardy 99 paıyz qamtý kórsetkishine jetip otyrmyz. Bul óte jaqsy kórsetkish. Biraq, bizge keregi – sapa. Ata-analar tarapynan biraz suraq týyndap júrgenin jaqsy bilemiz. Sondyqtan memlekettik baqylaýdyń bolýy óte mańyzdy. Osyǵan oraı zańnamaǵa tıisti ózgertýler engizilip, biz birinshi ret balbaqshalardyń attestatsııasyn ótkizdik», - dedi ol mınıstrliktiń apparat jınalysynda.

Mınıstrdiń atap ótýinshe, mektepke deıingi bilim berý uıymdaryn attestattaý aldaǵy ýaqytta keńinen qoldanylatyn bolady.

«Attestattaýdy jyl boıy ótkizetin bolamyz. Jekemenshik bolsyn, memlekettik bolsyn barlyq balabaqshaǵa qajetti sapany qamtamasyz etý boıynsha baqylaý bolady. Sol baqylaýǵa saı tıisti is-sharalar da qabyldanady. Bul óte mańyzdy. Attestattaýdy qaǵaz toltyrý rásimine aınaldyrmaýymyz kerek. Balabaqsha, mektep, kolledj deńgeıinde baqylaý ótkizgende qujat máselesine kóńil bólmeı, naqty sapaǵa nazar aýdarý qajet. Attestattaý jáne basqa da baqylaý is-sharalary qaǵazdyń kóbeıýine ákep soqpaýy kerek», - dedi Ashat Aımaǵambetov.


Joǵary qaraı