Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq bank: Azyq-túlik baǵasy turaqtaǵanymen, janarmaı baǵasy qymbattady

2021 jyldyń 6 jeltoqsan 2021 17:15

NUR-SULTAN. QazAqparat – Qarasha aıynda azyq-túliktiń qymbattaýy tejelip, janarmaı men otyn baǵasy órshı túsken. Ulttyq banktiń bazalyq mólsherleme týraly bergen túsiniktemesinde osyndaı málimet aıtylǵan, dep habarlaıdy QazAqparat tilshisi.

«Qazaqstandaǵy jyldyq ınflıatsııa azdap baıaýlap, qazan aıyndaǵy 8,9%-ben salystyrǵanda 8,7% boldy. Bul serpin azyq-túlik baǵasy ósiminiń 11,3%-dan 10,9%-ǵa deıin jáne aqyly qyzmetterde 6,9%-dan 6,4%-ǵa deıin baıaýlaýyna baılanysty boldy. Bul rette qarashada nan-toqash ónimderi men jarma, et ónimderi baǵasynyń ósýi jalǵasty. Oǵan óndirýshiler shyǵyndarynyń ulǵaıý túrtki boldy», - dep jazylǵan Ulttyq bank málimetinde.

Banktyń taldaýyna súıensek, azyq-túlikke jatpaıtyn taýarlardyń baǵasy qymbattaı túsken.

«Qarashada janar-jaǵar maı, qatty otyn baǵasy ósýiniń jalǵasýy saldarynan azyq-túlikke jatpaıtyn taýarlardyń jyldyq ınflıatsııasy 7,8%-dan 8,3%-ǵa deıin jedeldedi. Janar-jaǵar maıdyń tutyný baǵasyn jyldyq ólshemde 22,3% boldy. Benzın quny 18,4%-ǵa, dızel baǵasy 46,6%-ǵa ósti. Otynnyń qymbattaýy óndirýshiler baǵasynyń ósýi jaǵdaıynda oryn alyp otyr», - dep topshylaıdy Ulttyq bank mamandary.

Ulttyq bank deregi boıynsha, aqyly qyzmetter baǵasynyń jyldyq ósý qarqyny sál baıaýlap, jyldyq mólsherde 6,4% bolǵan. ıAǵnı, kommýnaldyq qyzmetter, tamaqtaný oryndary men shashtarazdardyń qyzmetterine degen suranys sál azaıǵan. Al turǵyn úıdi jalǵa alý tarıfteriniń ósýi jedeldeı túsken.

Aıta keteıik, Ulttyq bank bazalyq mólsherlemeni 9,75% deńgeıinde ózgerissiz qaldyrǵanyn málimdedi.


Joǵary qaraı