Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qurlyqtyq hokkeı lıgasy: «Barys» búgin «Ak Bars» komandasymen kezdesedi

2021 jyldyń 6 jeltoqsan 2021 14:41

NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn Reseıde «Ak Bars» (Qazan) komandasyna qarsy ótkizedi, dep habarlaıdy QazAqparat tilshisi.

Kezdesý elorda ýaqytymen saǵat 22:30-da bastalyp, Qazsport telearnasynan tikeleı efırde kórsetiledi.

Eki komanda búginge deıin 41 márte sheberlik baıqasty. Onyń 7-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Eki komanda arasyndaǵy sońǵy alty kezdesýdiń beseýinde reseılik klýb jeńiske jetti.

«Barystyń» bıylǵy týrnırdiń sońǵy alty kezdesýiniń tórteýinde joly boldy, qalǵanynda qarsylastaryna ese jiberip qoıdy.

Al «Ak Bars» sońǵy alty kezdesýdiń tórteýinde qarsylasyn tize búktirdi.

Eske salsaq, «Barys» budan buryn Reseıde «Neftehımık» (Nıjnekamsk) komandasynan basym tústi.

Al «Neftehımık» syrt aıdynda Reseıdiń «Avangard» (Omby) komandasyn tize búktirdi.

Qazir «Barys» 35 oıynnan keıin 32 upaımen týrnır kestesinde 20-orynda keledi.

Al «Neftehımık» 49 upaımen 6-orynda tur.



Avtor Ádiljan Úmbet
Basty sózder: Sport, Hokkeı,
Joǵary qaraı