Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«30 jyl 30 esim» ulttyq júldesiniń ıegerleri anyqtaldy

2021 jyldyń 6 jeltoqsan 2021 14:15

NUR-SULTAN. QazAqparat - QR Aqparat jáne qoǵamdyq damý mınıstrliginiń qoldaýymen «Qazaqstan» teleradıokorporatsııasy uıymdastyrǵan «30 jyl 30 esim» ulttyq baıqaýynyń jeńimpazdary anyqtaldy. Televızııalyq júlde Táýelsizdiktiń 30 jyldyǵyna oraı sońǵy 30 jylda ár salada jetistikke jetken biregeı tulǵalarǵa tabystaldy, dep habarlaıdy QazAqparat tilshisi.

Baıqaý erejesi boıynsha sarapshylardan quralǵan arnaıy komıssııa irikteýimen elimizdiń ǵylym, bilim, densaýlyq saqtaý, aýyl sharýashylyǵy, mádenıet, sport, kıno, dástúrli óner sııaqty 10 salada tabysty eńbek etip kele jatqan kásibı mamandar tańdaldy.

Komıssııa sheshimimen ekinshi kezeńge ótken úmitkerler «Qazaqstan» teleradıokorporatsııasynyń www.qazaqstan.tv resmı saıtynda júrgizilgen jalpyhalyqtyq daýys berýge qatysty.

Baıqaý qorytyndysy boıynsha 10 atalymda úzdik shyqqandar:

«Medıtsına jáne densaýlyq saqtaý salasyna qosqan úlesi úshin» - medıtsına ǵylymdarynyń doktory, akademık Serik Aqsholaqov, elimizde tuńǵysh ret qan aınalymynyń qosalqy qurylǵylaryn ımplantatsııalaý, donorlyq júrekti jáne ókpeni transplantatsııalaý sııaqty birqatar kúrdeli otalardy sátti júzege asyrǵan halyqaralyq dárejedegi kardıohırýrg ıÝrıı Pıa, joǵary sanatty dáriger, «Altyn dáriger» tósbelgisiniń ıegeri Nadejda Petýhova;




«Qoǵamdyq belsendiligi úshin» atalymy boıynsha til janashyry Asyly Osman, elimizdegi eń tanymal lider.kz eriktiler qozǵalysynyń negizin salýshy Olesıa Baımova, advokat, «Halyq úni» jobasynyń avtory Aıman Omarova;




«Mádenıet salasyna sińirgen eńbegi úshin» ánshi Dımash Qudaıbergen, kúıshi Seken Turysbekov, sýretshi Erbolat Tólepbaı;




«Kıno salasyna sińirgen eńbegi úshin» tetar jáne kıno akteri Bolat Ábdilmanov, akter, Qazaqstannyń Halyq ártisi Asanáli Áshimov, teatr jáne kıno sahnasynda 200-den asa ról romdaǵan akter Doshan Joljaqsynov;




«Sport salasyndaǵy jetistikteri úshin» grek-rım kúresinen Seýl Olımpıadasynyń kúmis júldegeri, Álem chempıony, Qazaqstannyń eńbek sińirgen jattyqtyrýshysy Dáýlet Turlyhanov, kásipqoı boksshy, Beıjiń Olımpıadasynyń, Azııa oıyndarynyń qola júldegeri Qanat Islam, aýyr salmaqta álemdik rekordty jańartqan ziltemirshi, tórt dúrkin Álem chempıony Ilıa Ilın;




«Ǵylymnyń damýyna qosqan úlesi úshin» atalymy boıynsha matematık, QR Ulttyq ǵylym akademııasynyń akademıgi Asqar Jumadildaev, «QazVac» vaktsınasyn jasaýshy ǵalym Kúnsulý Zakarıa, «Araltóbe», «Berel» qorymdarynan «Altyn adamdy» tapqan arheolog Zeınolla Samashev;




«Bilim salasynyń damýyna qosqan úlesi úshin» daryndy balalarǵa arnalǵan «Bilim-Innovatsııa» mektebiniń muǵalimi Mýammer Gúl, «Qazbilim» qosymsha bilim berý ortalyǵynyń dırektory Aıatjan Ahmetjanuly, Qazaqstannyń tuńǵysh Eńbek eri, matematıka pániniń muǵalimi Aıagúl Mırazova;




«Aýyl sharýashylyǵy jáne agroóndiris salasyna qosqan úlesi úshin» atalymynda asyl tuqymdy qoı ósirýshi jas kásipker Nurıslam Ybraev, Eńbek eri, «Rodına» agrofırmasynyń negizin qalaýshy Ivan Saýer, elimizdegi túıe sharýashylyǵynyń damýyna atsalysyp júrgen kásipker, konservantsyz shubat óndirýshi kompanııanyń ıegeri Sydyq Dáýletov;




«Dástúrli ónerdiń damýyna qosqan úlesi úshin» kúıshi Aıgúl Úlkenbaeva, ánshi Ramazan Stamǵazıev, jyrshy Elmura Jańabergenova;




«Ádebıet» atalymy boıynsha jazýshy-dramatýrg Dýlat Isabekov, aqyn Svetqalı Nurjan, aqyn Ulyqbek Esdáýlet marapattaldy.




Úzdikterdiń esimi 2021 jylǵy 23-30 qarasha aralyǵynda qazaqstan.tv saıty arqyly júrgizilgen daýys berý kezeńinde anyqtaldy.

«30 jyl 30 esim» esim baıqaýynyń jeńimpazdary – halyqtyń tańdaýy. Ulttyq arnanyń resmı saıty arqyly daýys berýge bir aptanyń ishinde 962 858 qazaqstandyq qatysty. Ulttyq júlde ıegerlerin anyqtaýǵa atsalysqan el turǵyndaryna alǵys bildiremiz», - dedi baıqaý jeńimpazdaryn marapattaý sharasynda «Qazaqstan» RTRK» AQ Basqarma tóraıymy Lázzat Tanysbaı.

Jeńimpazdardy marapattaý rásiminiń televızııalyq nusqasy «Qazaqstan» telearnasynan 16 jeltoqsanda saǵat 12:00-de e fırge shyǵady.



Joǵary qaraı