Dzıýdoshy Karına Tákıeva jastar arasynda Azııa chempıony atandy

ORAL. QazAqparat – Qazaqstandyq dzıýdoshy Karına Tákıeva Lıvan astanasy Beırýtta dzıýdodan márege jetken Azııa chempıonatynda jeńimpaz atandy, dep habarlaıdy QazAqparat tilshisi.

BQO dene shynyqtyrý jáne sport basqarmasy málim etkenindeı, Karına asa aýyr salmaqta (+78 kg) top jardy.

Karına Rýslanqyzy 2003 jyly Oral qalasynda dúnıege kelgen. Dzıýdo álippesin jekpe-jek sporty túrlerinen olımpıada rezervi mamandandyrylǵan balalar men jasóspirimder mektebinde jattyqtyrýshy Azamat Qapsatovtan úırendi.

Qazirgi kezde Almatydaǵy respýblıkalyq sport kolledjiniń 2 kýrs stýdenti. Bapkeri – Jaıdar Saılaýbaev.

2021 jyl Karına úshin tabysty jyl boldy. QR V jastar sport oıyndary men 23 jasqa deıingiler arasynda el birinshiliginde kúmis júldemen marapattalsa, eresekter arasyndaǵy Qazaqstan chempıonatynda úzdik úshtikke ilikti.

Qazaqstan dzıýdo federatsııasynyń málimetine qaraǵanda, jarystyń sońǵy kúni sondaı-aq Maksım Meıirlan 81 kelige deıingi salmaqta qola júldege ıe boldy.

Osylaısha Qazaqstan jastar uldar quramasy (aǵa jattyqtyrýshylary Azamat Muqanov pen Aıbek Imashev) Azııa chempıonatyn 2 altyn, 1 qola, qyzdar (aǵa bapkerler Hatıp Arsen, Nurbek Myqtybekov) 1 altyn, 1 kúmis jáne 4 qola medalmen aıaqtady.

Eske sala keteıik, budan buryn dzıýdodan jasóspirimder arasyndaǵy Azııa chempıonatynda Qazaqstannyń 4 medal alǵanyn jazǵan bolatynbyz.