Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmola oblysynda jasóspirimder arasynda sýıtsıd sany artyp otyr

2021 jyldyń 5 jeltoqsan 2021 20:59

KÓKShETAÝ. QazAqparat - «Nur Otan» partııasy Aqmola oblystyq fılıaly janyndaǵy Otbasy, áıelder jáne balalardyń quqyqtaryn qorǵaý máseleleri jónindegi Qoǵamdyq keńestiń otyrysy ótti. Onda kámeletke tolmaǵandarǵa qatysty qylmystar, olardy aldyn alý máselesi talqylandy, dep habarlaıdy QazAqparat tilshisi.

Jıynda aıtylǵandaı, jasóspirimderdiń óz-ózine qol jumsaý oqıǵasynyń jıileýi tolǵandyrady. Máselen, aǵymdaǵy jyldyń 10 aıynda Zerendi aýdanynyń Órken kentinde kámeletke tolmaǵandardyń eki sýıtsıdi oryn aldy, onyń bireýi syrttan kelgen jasóspirim bolsa, ekinshi jergilikti jasóspirim ózin-ózi óltirýge áreket jasaǵan. Bul aýylda alǵashqy jaǵdaı aqpannyń 23-de Órken aýylynda tirkeldi.

«Bul kámeletke tolmaǵan 11 synyp oqýshysy. Oqý barysynda qyz jaqsy qabiletterin kórsetti, úlgerimi jaqsy boldy. Biraq jyl saıyn ótkiziletin sýıtsıd saýalnamasyna 2018 jyldan beri qatyspaǵan. Anasy qyzynyń saýalnamaǵa qatysqysy kelmeıtinin aıtyp, jazbasha bas tartty. Osyǵan baılanysty kóshpeli otyrys bolyp, nátıjesinde mektep dırektoryna, tárbıe jumysy jónindegi dırektorǵa, pedagog-psıhologqa, synyp jetekshisine qatań sógis jarııalandy», - dep esep berdi Zerendi aýdany ákiminiń orynbasary Raıhan Ǵabdýllına.

Shilde aıynda Bıktesin aýylynda da sýıtsıd oqıǵasy tirkeldi. Ájesine qonaqqa kelgen 13 jasar bala esepte turmaǵan, polıtsııaǵa tartylmaǵan jáne minez qulqy jaǵymdy jaǵynan sıpattalǵan bolyp shyqty. Sımferopol mektebiniń dırektoryna sógis túrinde tártiptik jaza qoldanyldy.

Al 2021 jyldyń 15-shi qarashasynda sol Órken aýylynda 13 jastaǵy 7-shi synyp oqýshysy óz-ózine qol jumsamaıtynyn synyptastaryna habarlaǵan. Belgili bolǵandaı, bul onyń alǵashqy áreketi emes, ol ózine jurttyń nazaryn aýdartý úshin osyǵan deıin de jasaǵan bolyp shyqty. Belgili bolǵandaı, bala ájesimen turǵan, ıaǵnı esh qujatsyz. Ájesi 3 jyl ishinde qamqorshy retinde quqyǵyn zańdastyrǵan joq.

R.Ǵabdýllınanyń aıtýynsha, bul jerde qorǵanshylyq bólimi men aýdannyń bilim berý bóliminiń olqylyqtary bolǵan. Osy oqıǵadan keıin aýdan ákimdigi qujattary joq týystarynyń tizimin surady. Tek Zerendi aýdany boıynsha osyndaı 117 oqýshy anyqtaldy. Olardyń árqaısysy boıynsha balalardyń óz otbasylarynda turmaıtyndyǵyna ne yqpal etkenin anyqtaý tapsyryldy.

«Bıylǵy jyly tergeý bólimsheleriniń óndirisinde kámeletke tolmaǵandardyń óz-ózine qol jumsaý oqıǵalary boıynsha Qylmystyq kodekstiń 105-baby boıynsha 30 qylmystyq is «ózin-ózi óltirýge deıin jetkizý» boldy. Bul aıaqtalǵan segiz sýıtsıd jáne 22 áreket», - dep túsindirdi Aqmola oblysynyń PD Jergilikti polıtsııa qyzmeti basqarmasy ıývenaldy polıtsııa tobynyń erekshe tapsyrmalar jónindegi aǵa ınspektory Aınagúl Qýandyqova.

Aıta ketsek, búgingi kúni óńirde jasóspirimder arasynda sýıtsıdtik kórinisterdiń ósýi baıqalady. Eger ótken jyly alty sýıtsıd aıaqtalǵan bolsa, bıyl segiz tirkeldi. Sondaı-aq, óz-óziniń ómirin qııý áreketi byltyrǵy jyly 18 jaǵdaı bolsa, bıyl 22 qurap otyr.

Avtor Aslan Ospanov
Basty sózder: Jastar, Oqıǵa, Sýıtsıd, Aqmola oblysy,
Joǵary qaraı