Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraý ákimdigi kópbalaly otbasylarǵa bólingen páterlerge qatysty túsinik berdi

2021 jyldyń 5 jeltoqsan 2021 19:21

ATYRAÝ. QazAqparat – Atyraý ákimdigi kópbalaly otbasylarǵa bólingen páterlerge qatysty túsinik berdi, dep habarlaıdy QazAqparat.

Budan buryn Atyraýda kópbalaly otbasylarǵa arnalǵan baspana qurylysy eki jyl boıy toqtap turǵany habarlanǵan edi.

Atyraý qalalyq ákimdigi bul aqparatty joqqa shyǵardy.

«Jaqynda birqatar BAQ Atyraý oblysynyń qarjylyq shyǵyndaryn teksergen Respýblıkalyq bıýdjettiń atqarylýyn baqylaý jónindegi Esep komıtetine silteme jasap, aqparat taratqan bolatyn. Atap aıtqanda, «qalalyq qurylys bólimi kópbalaly analar úshin 173 páter satyp alyp, biraq, 21 aıda tek 13 páter bólindi» delingen.

Joǵaryda kórsetilgen bul aqparattyń shyndyqqa janaspaıtynyn málimdeımiz. Atalǵan másele tóńireginde konkýrs qorytyndysy boıynsha qalalyq qurylys bólimi men «DamarStroı» JShS arasynda 200 páter satyp alýǵa jalpy somasy 1,8 mlrd teńgege, onyń ishinde respýblıkalyq bıýdjet qarajaty esebinen 329 mln teńge jáne jergilikti bıýdjet esebinen 1,5 mlrd teńgege kelisimshart jasaldy.

Respýblıkalyq bıýdjet esebinen satyp alynǵan úsh bólmeli 40 páter kezektegi kópbalaly otbasylarǵa bólindi. Jergilikti bıýdjet esebinen satyp alynǵan qalǵan 160 páter qala aýmaǵyndaǵy apatty úı otbasylaryna bólindi. Apatty úılerden bólek, Qarabatan jáne №496 razezd turǵyndary da kóshirildi. Olardyń qatarynda kóp balaly otbasylar da bar. Bul sheshim oblystyq máslıhattyń 2019 jylǵy 18 qazandaǵy №365-VI sheshimine sáıkes qabyldandy. Aıta keteıik, barlyq satyp alynǵan páterler 2019-2020 jyldar aralyǵynda bólindi», - delingen Atyraý qalalyq ákimdigi taratqan aqparatta.

Joǵary qaraı