Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qarashada benzın 3,6 paıyzǵa qymbattady - statıstıka

2021 jyldyń 5 jeltoqsan 2021 15:23

NUR-SULTAN. QazAqparat – Osy jyldyń qarashasynda qazanmen salystyrǵanda otandyq ónerkásip ónimderin óndirýshi kásiporyndardyń baǵasy 5,5 paıyzǵa joǵarylady. Bul týraly Ulttyq statıstıka bıýrosy málim etti, dep habarlaıdy QazAqparat tilshisi.

Vedomstvo málimetinshe, taý-ken óndirý salasynda baǵanyń munaıǵa - 8,2, metall kenderine - 8, tabıǵı gazǵa 3 paıyz joǵarylaýy baıqaldy. Óńdeý salasynda baǵa ferroqorytpalarǵa - 6,4, mysqa - 4,8, qorǵasynǵa - 4,4, alıýmınııge - 3,3, asyl metaldarǵa 2,6 paıyz joǵarylady, al qara metaldar ılegine 2,6 paıyz tómendedi. Munaı ónimderinen mazýtqa - 12, suıytylǵan propan jáne býtanǵa - 6,6, benzınge - 3,6, dızel otynyna 1,1 paıyz qymbattady.

«Azyq-túlik ónimderinen óndirýshilerde baǵa makaron ónimderine - 4,7, nanǵa - 4,4, jarmalarǵa - 2,9, bıdaı unyna - 2,6, qantqa - 2, ósimdik maıyna - 1, qus etine - 0,8, sút ónimderine 0,7 paıyz joǵarylady, mal etine - 1,3, shaıǵa 0,7 paıyz tómendedi. Baǵa elektr energııasymen jáne sýmen jabdyqtaýda sýdy bólý boıynsha qyzmetterge - 0,7, elektr energııasy, ony taratý boıynsha qyzmetterdi qosa alǵanda 0,5 paıyz joǵarylady», - dep atap ótedi bıýrodan.


Joǵary qaraı