Ámir Zakırov Parıjde ótken álem chempıonatynda qola oljalady
NUR-SULTAN. QazAqparat - 2024 jylǵy Olımpıadaǵa daıyndyq aıasynda Parıjde breıkıngten (breık-dans) álem chempıonaty ótti, dep habarlaıdy QazAqparat Olympic.kz saıtyna silteme jasap.
Atalǵan synǵa Qazaqstan atynan Dáýlet Anarbekuly, Dılıara Áýbákirova, Ámir Zakırov jáne Irına Ýsmanova qatysqan bolatyn.
Petropavl qalasynyń týmasy Ámir Zakırov júzden asa sportshynyń arasynda irikteýden irkilmeı ótip, Slovakııa, AQSh, Frantsııa ókilderin basyp ozdy.
Jartylaı fınalda Ámir kanadalyq sportshymen jarysyp, qarsylasqa jol berdi.
Al qola medal úshin ótken jarysta Brazılııa ókili Lýan Sandy utyp, álem chempıonatynda úzdik úshtikke endi.
