Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda adamdy avtokólik tóbesine otyrǵyzyp tasyǵan júrgizýshi jazalandy

2021 jyldyń 5 jeltoqsan 2021 11:18

ALMATY. QazAqparat – Almaty polıtsııasy avtokóliktiń tóbesine adam otyrǵyzyp alyp tasyǵan «Mercedes-Benz Gelenvagen» markaly avtomobıldiń júrgizýshisine aıyppul saldy, dep habarlaıdy QazAqparat tilshisi.

« 2021 jyldyń 30 qarashasynda áleýmettik jelilerde uıaly telefonnyń kamerasyna túsirilgen, zańǵa qarsy áreketter týraly jazba jarııalandy. Tıisti tekserýler júrgizdik. «Mercedes-Benz» markaly kólik quralynyń júrgizýshisi anyqtaldy. Ol – 1987 jyly týǵan Espolov N.A.esimdi azamat. QR Ákimshilik quqyq buzýshylyq týraly kodekstiń 593-baby 1-tarmaǵy boıynsha (Jolaýshylardy tasymaldaý qaǵıdalaryn saqtamaý) jaýapqa tartyldy», - dep jazdy Almaty Polıtsııa departamenti bastyǵynyń orynbasary Rýstam Ábdirahmanov Facebook paraqshasynda.

Beınejazbanyń ekinshi qatysýshysyna qatysty tekserý jalǵasýda.

«Jolda abaı bolyńyzdar», - dedi PD bastyǵynyń orynbasary.


Basty sózder: Kólik, Oqıǵa, Almaty, Vıdeo,
Joǵary qaraı