Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da bıyl 900-ge jýyq adam emhanadaǵy tirkeýin aýystyrdy

2021 jyldyń 4 jeltoqsan 2021 18:58

ÓSKEMEN. QazAqparat – Shyǵys Qazaqstan oblysynda bıyl 900-ge jýyq adam emhanadaǵy tirkeýin aýystyrdy, dep habarlaıdy QazAqparat tilshisi.

Óńir boıynsha turǵyndar 63 emhanada tirkeýde tur. Bıyl 875 adam tirkeýin ózgertý arqyly emhanasyn aýystyrǵan. Bul týraly Aımaqtyq kommýnıkatsııalar qyzmetinde ótken brıfıng barysynda ShQO áleýmettik medıtsınalyq saqtandyrý qorynyń dırektory Ǵalymjan Ábilov málimdedi.

«Halyqtyń burynǵy emhanada qaralǵysy kelgen bóligi, avtomatty túrde sol medıtsınalyq mekemege tirkeldi. Bekitý nátıjesi boıynsha medıtsınalyq uıymdarǵa bólingen turǵyndar sanyn esepke ala otyryp, 2022 jylǵa qarjylandyrý josparlanady. Osy jyldyń 31 jeltoqsanyna deıin azamattar buryn bekitilgen emhanalarynan qyzmet ala alady», - dedi ol.

Aıta keteıik, tirkeý naýqany - emhana aýystyrýdyń jalǵyz múmkindigi emes. Eger azamattyń turaqty nemese ýaqytsha turatyn, jumys isteıtin nemese oqıtyn jeri ózgerse, onda oǵan óz qalaýy boıynsha emhana aýystyrý múmkindigi beriledi.

«Barlyq azamattar saqtandyrý mártebesine qaramastan tegin medıtsınalyq kómektiń kepildendirilgen kólemin alýǵa quqyly. Biraq josparly emdeýge jatqyzý, beıindi mamandardyń qabyldaýy, qymbat turatyn tekserýlerden ótý jáne joǵary tehnologııalyq em alý úshin MÁMS júıesinde saqtandyrylǵan bolý qajet», - dedi Ǵalymjan Ábilov.


Joǵary qaraı