Qazaqstannyń bes óńirinde aýa raıyna baılanysty eskertý jarııalandy

NUR-SULTAN. QazAqparat – Elimizdegi bes oblys aýmaǵynda qolaısyz aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.

5 jeltoqsanda Aqtóbe oblysynyń ońtústik-shyǵysynda tuman túsedi.

5 jeltoqsanda Qaraǵandy oblysynyń batysynda, ortalyǵynda tuman, kóktaıǵaq bolady. Jezqazǵanda tuman, kóktaıǵaq.

5 jeltoqsanda túnde jáne tańerteń Túrkistan oblysynyń soltústiginde, taýly aýdandarynda tuman túsýi yqtımal. Ońtústik-shyǵystan jel soǵady, tańerteń jáne kúndiz taýly aýdandarda kúshi 15-20 m/s.

Kúndiz 5 jeltoqsanda Aqmola oblysynyń batysynda kóktaıǵaq kútiledi. Oblystyń soltústiginde tuman túsedi.

5 jeltoqsanda Soltústik Qazaqstan oblysynyń ońtústik-batysynda tuman túsýi múmkin. Ońtústik-batystan jel soǵady, oblystyń soltústiginde, batysynda ekpini 15-20 m/s jetedi. Petropavlda ońtústik-batystan jel soǵady, ekpini 15-20 m/s.