Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda sybaılas jemqorlyqqa qarsy saıasatty qalyptastyrý máselesi talqylandy

2021 jyldyń 4 jeltoqsan 2021 15:59

ALMATY. QazAqparat - Halyqaralyq sybaılas jemqorlyqqa qarsy kúres kúni qarsańynda Almatyda «Táýelsizdiktiń 30 jyldyǵy: sybaılas jemqorlyqqa qarsy saıasattyń qalyptasýy» atty konferentsııa ótti, dep habarlaıdy QazAqparat tilshisi.

Shara qalanyń Sybaılas jemqorlyqqa qarsy qyzmeti, Almaty ákimdigi, «Nur Otan» partııasy, «Atameken» UKP ókilderiniń, sondaı-aq úkimettik emes uıymdar men qoǵam qaıratkerleriniń qatysýymen ótti.

Almaty ákiminiń orynbasary Erjan Babaqumarov konferentsııaǵa qatysýshylarǵa arnaǵan sózinde belsendi azamattyq qoǵamdastyqsyz sybaılas jemqorlyqty barynsha azaıtý, joıý týraly aıtýdyń maǵynasy joq ekenin atap ótti.

«Sybaılas jemqorlyqqa qarsy tabysty is-qımyl memlekettik organdar men qoǵamnyń birlesken kúsh-jigeriniń arqasynda ǵana múmkin bolady», - dedi Erjan Babaqumarov.

Konferentsııa barysynda Almatyda 2021 jylǵy Sybaılas jemqorlyqqa qarsy is-qımyl boıynsha jumys talqylandy jáne qorytyndylandy.

Almaty qalasy boıynsha Sybaılas jemqorlyqqa qarsy qyzmettiń basshysy Murat Ahmetov sybaılas jemqorlyqqa múldem tózbeýshilikti qalyptastyrý jáne qoǵam arasynda parasattylyq, adaldyq jáne ádildik mádenıetin ilgeriletý – búginde eń mańyzdy mindetterdiń biri ekenin atap ótti.

«Sondaı-aq, osy maqsatqa jetý úshin azamattyq qoǵamnyń qatysýy qajet ekenin túsiný óte mańyzdy», - dedi Murat Ahmetov.

Konferentsııa aıasynda sybaılas jemqorlyqqa qarsy mádenıetti qalyptastyrýǵa úles qosqan qalanyń qoǵam qaıratkerlerin marapattaý rásimi ótti.

Almaty ákiminiń atynan gramotalardy qala ákiminiń orynbasary Erjan Babaqumarov tapsyrdy.

Erjan Babaqumarov sybaılas jemqorlyqqa qarsy is-qımyl jumysynda azamattyq qoǵam men memlekettik organdardyń kúsh-jigerin biriktirý qajettigin atap ótti.

«Qoǵam qaıratkerleriniń róli óte mańyzdy, óıtkeni olar qoǵamda sybaılas jemqorlyqqa tózbeýshilik, parasattylyq, adaldyq jáne ádildik mádenıetin taratýǵa jáne qalyptastyrýǵa óz úlesterin qosýda», - dep atap ótti Erjan Babaqumarov.

Óz kezeginde, Murat Ahmetov sybaılas jemqorlyq kúrdeli áleýmettik, saıası jáne ekonomıkalyq qubylys ekenin, ol qandaı da bir dárejede barlyǵyna áser etetinin aıtty.

Osyǵan baılanysty, qoǵamshyldardyń kómegi baǵa jetpes.

Almaty TV telearnasynyń bas dırektory N. Muhamedjanova, «Qazaqfılm» AQ prezıdenti A. Sataev, «Almaty - Adaldyq Alańy» jobalyq keńsesiniń basshysy A. Sábıtova, «Sanaly Urpaq» respýblıkalyq jobalyq keńsesiniń basshysy Q. Tokýshev erekshi úlesi men belsendi qyzmeti úshin marapattaldy.


Joǵary qaraı