Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraýda brakonerler tabıǵatqa 1,5 mlrd myń teńge shyǵyn keltirgen

2021 jyldyń 4 jeltoqsan 2021 05:37

ATYRAÝ. QazAqparat – Atyraý oblysynda kıikti zańsyz aýlaǵan brakonerler 1 mlrd 656 myń teńge shyǵyn keltirgen, dep habarlaıdy QazAqparat.

«Ohotzooprom» ÓB» RMQK Batys óńiri boıynsha fılıalynyń dırektory Arman Qojahmetovtiń málimetinshe, 1-31 jeltoqsan aralyǵynda «Aqbóken» aktsııasy ótip jatyr.

«Qazaqstan aýmaǵynda joıylyp bara jatqan janýarlardyń qatarynda kıik te bar. Dala janýarynyń popýlıatsııasyn saqtaý maqsatynda qolǵa alynǵan «Aqbóken» aktsııasy 31 jeltoqsanǵa deıin jalǵasady. Osyndaı aktsııalardyń ótýine qaramastan kıikti zańsyz aýlaý tıylmaı tur. Máselen, bıylǵy jyl basynan beri Atyraý oblysynda osyndaı 8 derek tirkeldi. Brakonerlerden 7 kıiktiń ushasy men 750 múıiz tárkilendi», -deıdi Arman Qojahmetov.

Al, polıtsııa ınpektory Nurlybek Ótenııazovtyń málimetine súıensek, kıikti zańsyz aýlaǵan 6 brakoner qylmystyq jaýapkershilikke tartylǵan. Brakonerlerdiń zańǵa qaıshy áreketinen memleketke 1 mlrd 656 myń 685 teńge shyǵyn kelgeni anyqtalǵan.

Eske sala ketelik, buǵan deıin Atyraýda eki turǵynnyń kóliginen 364 kıik múıizi tárkilengenin habarlaǵan edik.


Avtor Bek Mustafa
Basty sózder: Atyraý oblysy, Ekologııa,
Joǵary qaraı