Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistan men Lıtvany baılanystyratyn áýe reısi ashylmaq

2021 jyldyń 3 jeltoqsan 2021 21:56

TÚRKІSTAN. QazAqparat - Túrkistanǵa elimizdegi Lıtva Respýblıkasynyń Bas konsýly Gvıdas Kerýshaýskas jumys saparymen keldi, dep habarlaıdy QazAqparat tilshisi.

Baltyq jaǵalaýynan kelgen elshimen Túrkistan oblysy ákiminiń orynbasary Rashıd Aıýpov kezdesý ótkizip, ekijaqty baılanysty jan-jaqty talqylady.

– 2018 jyldan beri Túrkistan oblysyna 3,5 mlrd AQSh dollary kóleminde ıvestıtsııa tartyldy. Óńirimizde Lıtva jáne Qazaqstan kásiporyndaryn qatystyryp, birlesken jobalardy júzege asyrýǵa múmkindik mol. Týrızm salasynda áriptestik ornatýǵa múddelimiz. Sondyqtan Túrkistan men Vılnıýs qalalary arasynda áýe reısin ashýdy jáne arnaıy týrpaketter ázirleýdi usynamyz. Biz jalpy lıtvalyq kásipkerlerdi Túrkistanǵa shaqyramyz, – dedi Rashıd Aıýpov.

Oblys ákiminiń orynbasary aldymen onlaın baılanys arqyly kásipkerler forýmyn nemese kezdesýin ótkizýdi usyndy.

Bas konsýl Túrkistandaǵy oń ózgeristerden habardar ekenin aıta kele óńirde ınvestorlarǵa kórsetiletin qoldaý jóninde óz eliniń kásipkerlerine maǵlumat beretinin, áriptestikti nyǵaıtý baǵytynda jumys jalǵasatynyn málimdedi.


Joǵary qaraı