Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstannyń vaktsına pasporty endi Indonezııada jaramdy

2021 jyldyń 3 jeltoqsan 2021 18:33

NUR-SULTAN. QazAqparat - Taǵy bir memleket COVID -19 vaktsınatsııasy týraly qazaqstandyq pasportty moıyndaýǵa nıetti, dep habarlaıdy QazAqparat elimizdiń densaýlyq saqtaý vedomstvosyna silteme jasap.

Búgin onlaın rejımde Health Business Gathering forýmy ótti, onyń barysynda QR Densaýlyq saqtaý vıtse-mınıstri Marat Shoranov pen Indonezııa Respýblıkasynyń Densaýlyq saqtaý mınıstri Býdı Gýnadı Sadıkın COVID -19 vaktsınatsııasy týraly sertıfıkattardy ózara tanýǵa qatysty ózara túsinistik týraly Memorandýmǵa qol qoıdy.

Qujat Qazaqstan Úkimeti «Egov mobile» mobıldik qosymshasyn paıdalana otyryp bergen COVID -19 koronavırýstyq ınfektsııasyna qarsy vaktsınatsııa sertıfıkattaryn jáne «PeduliLindungi» platformasyn paıdalana otyryp berilgen COVID-19 koronavırýstyq ınfektsııasyna qarsy vaktsınatsııa sertıfıkattaryn tanýdy kózdeıdi.

Іs-shara barysynda vıtse-mınıstr COVID -19 taralýyna jol bermeý bóliginde Qazaqstan qabyldap jatqan sharalar men quraldar týraly baıandady.

Osylaısha, Densaýlyq saqtaý mınıstrligi sońǵy jeti kúnde 100 myń turǵynǵa shaqqandaǵy syrqattanýshylyq deńgeıine jáne R udaıy óndirý koeffıtsıentine negizdelgen boljamdar men arnaıy matrıtsany paıdalana otyryp, Qazaqstandaǵy epıdemıologııalyq jaǵdaıǵa turaqty túrde baǵalaý júrgizedi.

Matrıtsanyń negizinde eldiń naqty óńirlerinde shekteý sharalaryn kúsheıtý nemese álsiretý týraly sheshim qabyldanady.

Basqa eldermen vaktsınatsııa pasporttaryn ózara taný jumystary jalǵasýda.

Búgingi tańda qazaqstandyq vaktsınatsııa pasportyn álemniń 20 eli moıyndaǵan: Argentına Respýblıkasy, Vengrııa, Grýzııa, Iran Islam Respýblıkasy, Iordanııa, Qyrǵyz Respýblıkasy, Maldıv Respýblıkasy, Mońǵolııa, Armenııa Respýblıkasy, Belarýs Respýblıkasy, Moldova Respýblıkasy, Perý Respýblıkasy, San-Marıno respýblıkasy, Serbııa Respýblıkasy, Týnıs Respýblıkasy, Úndistan Respýblıkasy, Fılıppın Respýblıkasy, Taıland, Túrkııa Respýblıkasy jáne Estonııa Respýblıkasy.

Budan basqa, Qazaqstan vaktsınalardy ázirleýshi elderdiń arasynda bolǵandyqtan jahandyq «ujymdyq ımmýnıtetke» óz úlesin qosýda.

QazVac otandyq vaktsınasyn Qazaqstannyń bıologııalyq qaýipsizdigi ulttyq ǵylymı-zertteý ınstıtýty ázirledi.

«Biz osy vaktsınany shyǵaratyn zaýyt qurylysynyń ekinshi kezeńin aıaqtap, 2022 jyly jylyna 60 mıllıon dozadan qýat alamyz dep úmittenemiz. Biz QazVac vaktsınasynyń eksportyn uıymdastyrýǵa daıynbyz», - dep túıindedi vıtse-mınıstr Indonezııalyq áriptesterin QazVac vaktsınasyn birlesip shyǵarýǵa shaqyrdy.

Óz kezeginde Indonezııanyń Densaýlyq saqtaý mınıstri Býdı Gýnadı Sadıkın Qazaqstannyń COVID-19 pandemııasymen kúrestegi kúsh-jigerin joǵary baǵalady jáne DSM ókilderine Indonezııa óz tarıhynda alǵash ret jıyrma (G20) tobynda resmı túrde tóraǵalyq etkenin, pandemııadan keıin ekonomıkany qalpyna keltirý, energetıkalyq kóshý jáne tsıfrlyq transformatsııa máselelerine nazar aýdarýǵa ýáde berdi.

Osyǵan baılanysty Indonezııa DSM basshysy Qazaqstandy damyǵan jáne damýshy memleketter arasyndaǵy koronavırýsqa qarsy vaktsınalardy taratý isindegi alshaqtyqty azaıtýǵa óz úlesin qosýǵa shaqyrdy.











Joǵary qaraı