Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Áset Isekeshev Pákistan Premer-Mınıstriniń ulttyq qaýipsizdik jónindegi keńesshisimen kezdesti

2021 jyldyń 3 jeltoqsan 2021 18:08

NUR-SULTAN. QazAqparat - Áset Isekeshev Pákistan Premer-Mınıstriniń ulttyq qaýipsizdik jónindegi keńesshisi Moıd ıÝsýfpen kezdesti, dep habarlaıdy Aqorda.

Qazaqstan Respýblıkasy Prezıdentiniń Kómekshisi – Qaýipsizdik Keńesiniń hatshysy Áset Isekeshev Pákistan Islam Respýblıkasy Premer-Mınıstriniń Ulttyq qaýipsizdik jónindegi keńesshisi Moıd ıÝsýfpen kezdesti.

Іs-sharaǵa Qazaqstan Respýblıkasy Prezıdentiniń Halyqaralyq yntymaqtastyq jónindegi arnaıy ókili Erjan Qazyhanov qatysty.

Taraptar óńirlik jáne jahandyq qaýipsizdiktiń ózekti máseleleri, Ortalyq jáne Ońtústik Azııadaǵy qazirgi syn-táýekelder jóninde, sondaı-aq halyqaralyq uıymdar aıasyndaǵy yntymaqtastyqtyń perspektıvalary, onyń ishinde bitimgershilik týraly pikir almasty.

Sonymen qatar kezdesý barysynda áskerı-tehnıkalyq saladaǵy ózara ekijaqty yqpaldastyq, esirtki trafıgine, zańsyz kóshi-qonǵa jáne basqa da qaterlerge qarsy is-qımyl máseleleri qozǵaldy.

Aýǵanstandaǵy jaǵdaıdyń damý stsenarııleri jan-jaqty talqylandy.

Áset Isekeshev pákistandyq áriptesine Qazaqstan Respýblıkasynyń Prezıdenti Qasym-Jomart Toqaevtyń tapsyrmasy boıynsha Aýǵanstanǵa bes tonna un mólsherinde gýmanıtarlyq kómek kórsetilgeni jóninde málimet berdi.

Pákistan delegatsııasynyń sapary barysynda Moıd ıÝsýfqa tsıfrlyq úkimet ofısiniń bazasynda elektrondyq úkimet, telekommýnıkatsııa, bilim berý tehnologııalary jáne basqa da sektorlardaǵy tsıfrlandyrý baǵyttary tanystyryldy.

Kezdesý sońynda taraptar qaýipsizdikti qamtamasyz etý salasyndaǵy keń aýqymdy máseleler boıynsha yntymaqtastyqty nyǵaıtýǵa nıet bildirdi.


Joǵary qaraı