Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandaǵy eń meıirimdi oqý oryndary marapattaldy

2021 jyldyń 3 jeltoqsan 2021 17:56

PAVLODAR. QazAqparat - Búgin «Qaıyrymdy ister marafony» ulttyq jobasy aıasynda «eń meırimdi» oqý oryndary marapattaldy, dep habarlaıdy QazAqparat tilshisi.

Joǵarǵy oqý oryndar arasynan E.A.Býketov atyndaǵy Qaraǵandy ýnıversıteti I oryn alsa, Almaty qurylys-tehnıkalyq kolledji II oryn aldy.

Al, S.Seıfýllın atyndaǵy Qazaq agrotehnıkalyq ýnıversıteti III oryndy qanaǵat tutty.

Mektepter arasynda Shyǵys Qazaqstan oblysynan «Belokamenskaıa osnovnaıa shkola» (KGÝ) I orynǵa ıe boldy.

Júldeli II orynǵa Jambyl oblysynyń № 40 gımnazııasy (KGÝ) jeńip alsa, Pavlodar qalasynyń №7 mektebi III orynǵa jaıǵasty.

Eske sala keteıik, «Qaıyrymdy ister marafony» jalpyulttyq jobasy Azamattyq bastamalardy qoldaý ortalyǵy men Aqparat jáne qoǵamdyq damý mınıstrliginiń qoldaýymen júzege asyp jatyr.

Jobanyń basty maqsattarynyń biri – jaqsylyqqa jany qumar adamdardy biriktirý jáne uıymdastyrý, qoǵam men adamdardyń ómirin jaqsy jaqqa ózgertýge múmkindik beretin, jomarttyq pen jaqsylyq ıdeıasyna negizdelgen qoǵam qurý.


Joǵary qaraı