Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Joǵarǵy sot sýdıasy Meıram Janǵuttınov 5 jylǵa sottaldy

2021 jyldyń 3 jeltoqsan 2021 15:16

NUR-SULTAN. QazAqparat – QR Joǵarǵy sotynyń burynǵy sýdıasy Meıram Janǵuttınov sot sheshimimen 5 jylǵa bas bostandyǵynan aıryldy, dep habarlaıdy QazAqparat tilshisi Nur-Sultan qalalyq sotynyń resmı saıtyna silteme jasap.

Búgin Nur-sultan qalasy Baıqońyr aýdanynyń №2 soty Meıram Janǵuttınovke qatysty alaıaqtyqqa qastandyq jasaý faktisi boıynsha (QK 24-baby 3-bóligi, 190-baby 3-bóligi 1-2 tarmaǵy) jáne L. Turǵynbaevaǵa para bergeni úshin (QK 367-baby 3-bóligi 2 tarmaǵy) aıyptaý úkimin jarııalady.

Elordalyq sottyń habarlaýynsha, M. Janǵuttınov jaýapty memlekettik laýazymdy atqaratyn tulǵa bola otyryp (QR Joǵarǵy sotynyń sýdıasy, búginde ókilettigi toqtatyldy), para alý jeleýimen Turǵynbaevadan (Shymkent qalasy Ál-Farabı aýdandyq sotynyń sýdıasy, ókilettigi toqtatyldy) deldal Abdýsattarov arqyly 7 myń AQSh dollary somasyndaǵy qarajatty ıemdenýge tyrysty.

Joǵarǵy sottyń eks-sýdıasy M. Janǵuttınov aqsha alý kezinde ustalǵan.

«Sot jaza taǵaıyndaý kezinde Janǵuttınov pen Turǵynbaevaǵa qatysty sýdıa antyn buzý aýyr jaǵdaı dep tanyp, bas bostandyǵynan aıyrý jazasyn ádil jaza dep sanady. Osyǵan baılanysty Janǵuttınov 5 jylǵa bas bostandyǵynan aıyryldy. Turǵynbaevaǵa qatysty jazany jeńildetetin mán-jaılar eskerildi. ıAǵnı, shyn júrekten ókiný jáne qylmysty ashý men oǵan qatysy barlardy áshkereleýge belsendi yqpal etkenin eskere otyryp (QK 55-baby 4-bóligi) ol 5 jylǵa sottaldy. Sottalýshynyń ekeýi de ómir boıy memlekettik qyzmette jumys isteý quqyǵynan aıyryldy», - delingen habarlamada.

Sot úkimi zańdy kúshine engen joq.


Joǵary qaraı