Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda jas jupty kólik qaǵyp ketti, jigit qaza tapty

2021 jyldyń 3 jeltoqsan 2021 10:55

ALMATY. QazAqparat - Almatyda jaıaý júrginshiler ótkelinde jol talǵamaıtyn kólik jas jupty qaǵyp ketti, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, jol-kólik oqıǵasy 2 jeltoqsan kúni keshke bolǵan.

«2 jeltoqsan kúni keshki saǵat 19:56-da «Lexus LX 570» kóliginiń 1960 jyly týǵan A. esimdi júrgizýshisi Ótegen batyr kóshesimen ońtústik baǵytta kele jatyp, jaıaý júrginshiler ótkelinen ótip bara jatqan 2000 jyly týǵan J. men 2004 jyly týǵan O. esimdi jas qyzdy qaǵyp ketti. 21 jastaǵy jigit oqıǵa ornynda kóz jumdy»,- dep habarlady polıtsııadan.

Atalǵan derek QR Qylmystyq kodeksiniń 345-babynyń 3-bóligi boıynsha sotqa deıingi tergep-tekserýdiń biryńǵaı tizilimine tirkeldi.

Saraptama taǵaıyndaldy.

Júrgizýshisi ustalyp, ýaqytsha ustaý ızolıatoryna qamaldy.


Avtor Alma Muqanova
Basty sózder: Almaty, Oqıǵa, Kólik, QR ІІM,
Joǵary qaraı