كوروناۆيرۋسقا قاتىستى الەمدەگى جاعداي
نۇر-سۇلتان. قازاقپارات - اۆستراليادا COVID-19 تەستىنەن باس تارتقانى ءۇشىن جانە كارانتيندى بۇزعانى ءۇشىن سالىناتىن ايىپپۇل كولەمى ۇلعايتىلدى.
بۇل تۋرالى قازاقپارات COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telەgram-كانالىنا سىلتەمە جاساپ حابارلايدى.
سونداي-اق، شەتەلدەن كەلگەن ازاماتتار ءۇشىن ەرەجەلەر قاتاڭداتىلدى:
اۆستراليا اۋماعىنا كەلگەننەن كەيىن ولار 72 ساعاتقا وقشاۋلانىپ، ءبىرىنشى جانە التىنشى كۇندەرى COVID-19 تەستىن تاپسىرۋى ءتيىس.
فيليپپيندە بيلىك تەك ۆاكسيناتسيالانعان كاسىپورىن قىزمەتكەرلەرىن جۇمىسقا جىبەرۋگە مىندەتتەلدى. ۆاكسيناتسيا جاساۋعا ۇلگەرمەگەن جاعدايدا ءوز قاراجاتى ەسەبىنەن ۇنەمى پتر تەستتەرىن تاپسىرۋى كەرەك.
ە و حالىقتىڭ بارلىق توپتارى ءۇشىن كوروناۆيرۋسقا قارسى مىندەتتى ۆاكسيناتسيانى ەنگىزۋدى ۇسىنادى. بۇل شارانى گەرمانيانىڭ جاڭا كانسلەرى ولاف شولتس قولدادى جانە وسى ماسەلە بويىنشا پارلامەنتتىك داۋىس بەرۋگە شاقىردى.
