Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede tánin saýdalaǵan 15 áıel men úsh jeńgetaı ustaldy

2021 jyldyń 3 jeltoqsan 2021 01:15

AQTÓBE. QazAqparat - Aqtóbe oblysynyń aýmaǵynda «ЅTOR trafık» aldyn alý sharasy ótti. Onda 3 jeńgetaı men jynystyq qarym-qatynas usynǵan 15 adam ustaldy, dep habarlaıdy QazAqparat tilshisi.

Tártip saqshylary páterlerdi, jalǵa beretin oıyn-saýyq oryndaryn, monsha, saýna men qonaq úılerdi tekserdi. Sondaı-aq adamnyń eńbegin zańsyz paıdalaný, urlaý, bas bostandyǵynan zańsyz aıyrý qylmystaryn ashý maqsatynda sharýa qojalyqtary men qurylys nysandaryn aralap shyqty.

Polıtsııa qyzmetkerleri qoǵamdyq oryndarda adamdarǵa tıisken 63 derekti tirkedi. Úsh derek negizinde Qylmystyq kodekstiń «Jezókshelikpen aınalysýǵa arnalǵan prıtondar uıymdastyrý nemese ustaý jáne jeńgetaılyq» jáne bir derek negizinde «Adam saýdasy» baby boıynsha is qozǵaldy.

«Jezókshelikpen aınalysýǵa nemese jeńgetaılyqqa ádeıi úı-jaılar berýdiń úsh deregi anyqtaldy. Sonymen qatar tánin saýdalaǵan 15 áıel men úsh jeńgetaı anyqtalyp, esepke alyndy», - dedi oblystyq PD baspasóz qyzmetiniń jetekshisi Erbolat Sarqulov.


Joǵary qaraı