Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Koreıa Elshiligi Qazaqstannyń Taekvondo federatsııasyna sporttyq qural-jabdyq syılady

2021 jyldyń 3 jeltoqsan 2021 02:38

NUR-SULTAN. QazAqparat – Koreıa Respýblıkasynyń Qazaqstan Respýblıkasyndaǵy Elshiligi Qazaqstan Taekvondo federatsııasyna sporttyq qural-jabdyq tabystady, dep habarlaıdy QazAqparat.

Saltanatty sharaǵa Koreıa Respýblıkasynyń Qazaqstandaǵy Tótenshe jáne Ókiletti Elshisi Ký Hong-sok, Qazaqstan Taekvondo federatsııasynyń vıtse-prezıdenti Arman Shilmanov jáne basqa qonaqtar qatysty.

Elshi Ký Hong-sok Qazaqstan taekvondo federatsııasyna sportpen aınalysýǵa arnalǵan kelesi qural-jabdyqtardy – 25 qoraptan turatyn qorǵanys shlemderin, qorǵanys keýdeshelerin, raketkalardy jáne basqalaryn tapsyrdy.

Bul sporttyq buıymdar Soltústik Qazaqstan, Shyǵys Qazaqstan, Aqmola oblystarynda ornalasqan taekvondo sport sektsııalaryna, Nur-sultan jáne Qostanaı qalalaryna jiberiledi.

«Koreıanyń taekvondo ilgeriletý qory usynǵan bul sporttyq qural-saıman qazaqstandyq jastarǵa taekvondodaǵy daǵdylaryn jetildirýge jáne Koreıa Respýblıkasyna qyzyǵýshylyǵyn arttyrýǵa kómektesedi dep úmittenemin. Koreıa Respýblıkasy Qazaqstan Respýblıkasynyń strategııalyq seriktesi retinde sport salasyndaǵy yntymaqtastyqty odan ári nyǵaıtýǵa umtylatyn bolady», - dedi elshi Ký Hong-sok.

Óz kezeginde Qazaqstan Taekvondo federatsııasynyń vıtse-prezıdenti Arman Shillmanov Koreıa Elshiligi men Koreıa taekvondony ilgeriletý qoryna sporttyq qural-saımandary úshin alǵysyn bildirdi. Sondaı-aq, ol Qazaqstanda osy sport túrimen 20 myńnan astam adam aınalysatynyn jáne olardyń sany jyl saıyn turaqty ósip kele jatqanyn atap ótti.


Joǵary qaraı