Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

الماتىدا ايەلدەرشە كيىنىپ العان پاتەر توناۋشى ۇستالدى

2021 jyldyń 2 jeltoqsan 2021 19:58

الماتى. قازاقپارات - ايەلدەرشە كيىنىپ العان پاتەر توناۋشى الماتىلىقتاردىڭ ۇيىنەن قۇنى ءتورت ميلليون تەڭگە تۇراتىن باعالى زاتتاردى ۇرلاپ كەتتى، دەپ حابارلايدى قازاقپارات ءتىلشىسى.

الماتى قالالىق كريمينالدىق پوليتسيا باسقارماسى مەن م. اۋەزوۆ اۋداندىق پوليتسيا باسقارماسىنىڭ قىزمەتكەرلەرى مەگاپوليس اۋماعىندا ءبىرقاتار ۇرلىق جاساعان 50 جاستاعى يا. ەسىمدى ەر ادامدى ۇستادى.

«كۇدىكتى پاتەرلەرگە كىلتتى تاڭداۋ ارقىلى كىرىپ، نەگىزىنەن زەرگەرلىك بۇيىمدار مەن اقشانى الىپ كەتىپ جۇرگەن. ول بىرنەشە رەت بەينەكامەراعا ءتۇسىپ قالعان. كۇدىكتى ءىس-ارەكەتىن وزگەرتۋدى ۇيعارىپ، ۇستىنە ايەلدەردىڭ كيىمىن، باسىنا پاريك كيە باستاعان. ونىڭ سوڭعى جاساعان قىلمىسى قاراشا ايىنىڭ باسىندا تىركەلدى. «جەتىسۋ-2» شاعىن اۋدانىندا پاتەردەن 4 ميلليون تەڭگە بولاتىن باعالى زاتتاردى الىپ شىققان. قازىرگى ۋاقىتتا ۇستالعان ازاماتتىڭ وسىعان ۇقساس 8 ۇرلىققا قاتىسى بار ەكەنى دالەلدەندى»، - دەدى الماتى قالالىق پ د كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.

ۇستالعان كۇدىكتى رەسەيدىڭ تۋماسى، بىرنەشە رەت ۇرلىق جاساعانى ءۇشىن سوتتالعان.

ول تەرگەۋ بارىسىندا قاماۋدا وتىرادى. قازىر كۇدىكتىنىڭ بۇدان دا باسقا قىلمىستارعا قاتىسى بار-جوعى انىقتالىپ جاتىر.

Basty sózder: ايماق,
Joǵary qaraı