Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda áıeldershe kıinip alǵan páter tonaýshy ustaldy

2021 jyldyń 2 jeltoqsan 2021 17:58

ALMATY. QazAqparat - Áıeldershe kıinip alǵan páter tonaýshy almatylyqtardyń úıinen quny tórt mıllıon teńge turatyn baǵaly zattardy urlap ketti, dep habarlaıdy QazAqparat tilshisi.

Almaty qalalyq krımınaldyq polıtsııa basqarmasy men M.Áýezov aýdandyq polıtsııa basqarmasynyń qyzmetkerleri megapolıs aýmaǵynda birqatar urlyq jasaǵan 50 jastaǵy ıA. esimdi er adamdy ustady.

«Kúdikti páterlerge kiltti tańdaý arqyly kirip, negizinen zergerlik buıymdar men aqshany alyp ketip júrgen. Ol birneshe ret beınekameraǵa túsip qalǵan. Kúdikti is-áreketin ózgertýdi uıǵaryp, ústine áıelderdiń kıimin, basyna parık kıe bastaǵan. Onyń sońǵy jasaǵan qylmysy qarasha aıynyń basynda tirkeldi. «Jetisý-2» shaǵyn aýdanynda páterden 4 mıllıon teńge bolatyn baǵaly zattardy alyp shyqqan. Qazirgi ýaqytta ustalǵan azamattyń osyǵan uqsas 8 urlyqqa qatysy bar ekeni dáleldendi», – dedi Almaty qalalyq PD Krımınaldyq polıtsııa basqarmasynyń bastyǵy Qýatbek Naýatov.
Ustalǵan kúdikti Reseıdiń týmasy, birneshe ret urlyq jasaǵany úshin sottalǵan. Ol tergeý barysynda qamaýda otyrady.
Qazir kúdiktiniń budan da basqa qylmystarǵa qatysy bar-joǵy anyqtalyp jatyr.

Avtor Alma Muqanova
Basty sózder: Almaty, QR ІІM, Qylmyspen kúres,
Joǵary qaraı