Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraý oblysynda úsh kompanııa qylmystyq top kómegimen 715 mln teńge salyqtan jaltarǵan

2021 jyldyń 2 jeltoqsan 2021 17:16

ATYRAÝ. QazAqparat - Atyraý oblysynda memleketke 700 mıllıon teńge kóleminde zalal keltirgen uıymdasqan qylmystyq top músheleri sottaldy, dep habarlaıdy QazAqparat Qarjylyq monıtorıng agenttigine silteme jasap.

Qylmystyq top qarajatty krımınaldyq jolmen qolma-qol aqshaǵa aınaldyryp kelgen.

«Agenttiktiń Atyraý oblysy boıynsha aýmaqtyq departamenti N.Dáýletııarovanyń basshylyǵymen uıymdasqan qylmystyq top qyzmetiniń jolyn kesti.

Uıymdasqan qylmystyq top músheleri úlestes kompanııalar – «Atyraý Invest Grýpp» JShS, «BR-Grýpp» JShS, «Erbek-kompanı» JShS atynan 2017 jyldan bastap 2019 jylǵa deıingi kezeńde oblys kásiporyndaryna jalǵan shot-faktýralardy jazyp berý boıynsha zańsyz qyzmetti júzege asyrdy», delingen habarlamada.

Osylaısha, kompanııalarǵa 715 mıllıon teńgeden astam bıýdjetke salyq tóleýden jaltarýǵa járdem kórsetken.

«Bas uıymdastyrýshy N.Dáýletııarova 7 jylǵa bas bostandyǵynan aıyryldy, onyń sybaılastary R.Batqaev pen B.Júsipov tıisinshe 5 jáne 5,5 jylǵa sottaldy.

Bul adamdar 5 jyl merzimge kommertsııalyq uıymdarda basshylyq laýazymdardy atqarý, sondaı-aq býhgalterlik qyzmetpen aınalysý quqyǵynan aıyryldy», delingen habarlamada.


Joǵary qaraı