Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

فرانسيادا اتوم ونەركاسىبىنىڭ ەڭ ءىرى الەمدىك سالونى اشىلدى

2021 jyldyń 2 jeltoqsan 2021 18:27

نۇر- سۇلتان. قازاقپارات - بۇل ساۋدا كورمەسىنە 18 مىڭداي ادام قاتىستى. ولاردىڭ اراسىندا وسى سالانىڭ ايتۋلى ماماندارى، مەملەكەت باسشىلارى مەن حالىقارالىق ۇيىمداردىڭ جەتەكشىلەرى بار.

بۇل شارادا اتوم ونەركاسىبى كەيىنگى ءۇش جىلداعى جەتىستىكتەرىن العاش ۇسىنىپ وتىر. وسىدان 10 جىل بۇرىن فۋكۋسيمادا بولعان اپاتتان كەيىن اتوم ونەركاسىبى ەكىنشى تىنىس العان سەكىلدى.

گلازگودا وتكەن كليمات كونفەرەنسياسىنان كەيىن بۇل سالاعا قىزۋعىشىلىق ارتا تۇسكەن. بۇگىندە الەمدەگى تازا ەنەرگيانىڭ ۇشتەن ءبىر بولىگىن اتوم ونەركاسىبى شىعارادى. وكىنىشكە وراي، كۇن باتارەيالارى مەن جەل گەنەراتورلارىنىڭ عالامدىق جىلىنۋدى توقتاتۋعا ازىرگە شاماسى جەتپەيدى.

ماگاتە ۇيىمىنىڭ مالىمەتى بويىنشا قازىر الەمدە 51 رەاكتور سالىنىپ جاتىر. ەۋروپاداعى ەنەرگەتيكالىق داعدارىس پەن كليمات جونىندە ساراپشى توپتىڭ كوڭىل كونشىتپەيتىن بولجامى بەيبىت اتومعا دەگەن سۇرانىستىڭ كۇرت ارتۋىنا اكەلدى.

رافاەل گروسسي، ماگاتە ۇيىمىنىڭ باس ديرەكتورى:

- مەن بارلىق ەلدەردىڭ ەنەرگەتيكا مينيسترلەرىن قابىلدادىم. تەك فرانسيا مەن ا ق ش ەمەس. افريكا، وڭتۇستىك پەن ورتالىق امەريكا ەلدەرىنىڭ مينيسترلەرىمەن كەزدەستىك. ولاردىڭ قىزۋعىشىلىعى جوعارى. ماسەلەن، مودۋلدى شاعىن يادرولىق رەاكتورلاردىڭ كومەگىمەن ەنەرگەتيكالىق دەربەستىككە قول جەتكىزىپ، تازا قۋات كوزىن الۋعا بولادى.

كورمەنىڭ تۇتاس ءبىر كۇنى مودۋلدى شاعىن رەاكتورلار قۇرىلىسى تاقىرىبىنا ارنالدى. بۇل قۇرىلعىلاردىڭ باعاسى ارزان، تەز سالىنادى ءارى زيانسىز. الايدا ولار تەك ون شاقتى جىلدان كەيىن عانا نارىققى شىعادى. ەندى اتوم ستانسيالارىنا سۇرانىس ارتسا باستى ماسەلە ونىڭ قاۋىپسىزدىگى بولىپ وتىر. رەاكتور ساتۋمەن قاتار ونىڭ ورناتىلۋى مەن پايدالانۋ ساپاسىن دا باقىلاۋ قاجەت.

رافاەل گروسسي، ماگاتە ۇيىمىنىڭ باس ديرەكتورى:

- اتوم قاۋىپسىزدىگى - ۇنەمى تۋىندايتىن ساۋال. بۇل فۋكۋسيما مەن وزگە دە بولعان جەكە وقيعالاردان اۋقىمى كەڭ ءارى تۇراقتى تۇردە اتقارىلاتىن ەڭبەك. فرانسيا، ا ق ش، وڭتۇستىك امەريكا، افريكا جانە اتوم ونەركاسىبى بار قاي جەر بولسىن ونداعى قاۋىپسىزدىك ستاندارتتاردىڭ قولدانىلۋىن قاداعالايمىز. كومىرتەك بەيتاراپتىعىنا جەتۋ ءۇشىن جىل سايىن الەم بويىنشا 30 رەاكتور سالىنۋى كەرەك. الايدا قۇرىلىس قۇنى مەن ۇزاقتىعىن ەسكەرسەك، بۇل ماقساتقا جەتەتىن ءازىر ءتۇرىمىز جوق.

دەگەنمەن، ماگاتە بولجامىنا سايكەس، 2050 -جىلى اتوم ەنەرگياسىنىڭ ءوندىرىسى ەكى ەسە ارتۋى ءتيىس.


Basty sózder: الةم,
Joǵary qaraı