Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Omıkron» shtamyna baılanysty dúrbeleńge túsýdiń qajeti joq- Almaz Sharman

2021 jyldyń 2 jeltoqsan 2021 13:49

ALMATY. QazAqparat- «Omıkron» shtamyna baılanysty alańdaýshylyq bar, alaıda dúrbeleńge túsýdiń qajeti joq. Bul týraly Profılaktıkalyq medıtsına akademııasynyń prezıdenti Almaz Sharman aıtty, dep habarlaıdy QazAqparat tilshisi.

Onyń sózine qaraǵanda, «omrıkon» shtamy qazir Amerıka men Eýropanyń birqatar eline tarap úlgergen, endi biraz ýaqytta ol álemniń ár túkpirine jetedi.

«Bul joly Dúnıejúzilik densaýlyq saqtaý uıymy birden áreket etti. Iá, alańdaýshylyq bar, alaıda dúrbeleńge túsýdiń qajeti joq. «Omrıkon» shtamy jaıly alǵash Ońtústik Afrıkadaǵy Dýrban ýnıversıteti janyndaǵy ınnovatsııalyq epıdemıologııalyq ortalyqtyń doktory Tulio de Oliveira málimdedi. Onyń komandasy sekvenırleýdiń molekýlıarly ádisimen 50-den astam mýtatsııany anyqtady. Sonyń 32-si osy «omrıkon» shtamynda boldy. Árıne, buryn-sońdy bolmaǵan mundaı mýtatsııa sany atyshýly Delta nusqasyndaǵy mýtatsııalar sanynan birneshe ese joǵary ári ǵalymdardyń alańdaýshylyǵyn týdyrdy, al DDU tıisinshe dúrbeleń týdyrdy, – dep jazdy professor Almaz Sharman Facebook-tegi paraqshasyna.

Sonymen qatar, ol koronavırýstyń jańa shtamdary vaktsına alý deńgeıi tómen elderden shyǵyp jatqanyn jetkizdi.

«Omicron nusqasynyń paıda bolý sebepteriniń biri – eń aldymen, vaktsına almaǵan ári ımmýn tapshylyǵy bar adamdardyń aǵasynda vırýstyń uzaq merzimdi replıkatsııasy bolýynan. Ondaı adamdar Ońtústik Afrıkada óte kóp. Sondyqtan bizge basty kúshti vaktsına alýǵa bólý kerek», – dep jazdy ol.


Avtor Alma Muqanova
Basty sózder: Almaty, Medıtsına, Koronavırýs,
Joǵary qaraı