Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Devıs kýbogy: Qazaqstan Serbııamen matchty jeńispen bastady

2021 jyldyń 2 jeltoqsan 2021 01:05

NUR-SULTAN. QazAqparat – Madrıdte Devıs kýbogynyń shırek fınalynda Qazaqstan men Serbııa quramalary kúsh synasýda, dep habarlaıdy QazAqparat tilshisi.

Birinshi bolyp kortqa Qazaqstannan dúnıejúzilik reıtıngte 182-orynda turǵan, bıyl 34-ke tolatyn tájirıbeli Mıhaıl Kýkýshkın, Serbııa sapynan álemniń 69-raketkasy, 22 jastaǵy Mıomır Ketsmanovıch shyqty.

Bir saǵatqa jýyq ýaqytqa sozylǵan alǵashqy partııada birden breık jasaǵan serbııalyq sportshy 2:0 esebimen alǵa ketkenimen, qazaqstandyq tennısshi tarazy basyn teńestire bildi. Taı-breıkte M.Kýkýshkın sátti oınaı aldy – 7:6 (7:4).

Ekinshi sette qazaqstandyq sportshy breıkpen alǵa shyqty – 3:1. Segizinshi geımde M.Ketsmanovıch esepti teńestirdi – 4:4. Sodan keıin taǵy bir breıkke qol jetkizdi – 6:4.

Úshinshi, sheshýshi partııany da serbııalyq tennısshi qarqyndy bastady – 2:0. Alaıda ol esep 5:3 bolǵanda, matchbolyn paıdalana almady. Aqyry taı-breıkte M.Kýkýshkın jeńisti julyp aldy – 7:6 (13:11).

Asa tartysty ótken match 3 saǵat 18 mınýtqa sozyldy.

Osylaısha M.Kýkýshkın Qazaqstandy alǵa shyǵardy. Esep – 1:0.

Qazaqstan – Serbııa matchynda endi álemniń 1-raketkasy Novak Djokovıch pen reıtıngte 36-satydaǵy Aleksandr Býblık sheberlik baıqasady. Sodan soń juptyq básekege kezek keledi.

Eske sala keteıik, budan buryn tennısten Devıs kýbogynda Qazaqstannyń Kanadany úshinshi kezdesýinde de utqanyn jazǵan bolatynbyz.



Avtor Eljan Eraly
Basty sózder: Sport,
Joǵary qaraı