Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

BQO-da joǵalyp ketken er adamnyń denesi Jaıyq ózeninen tabyldy

2021 jyldyń 2 jeltoqsan 2021 03:21

ORAL. QazAqparat – Batys Qazaqstan oblysynda joǵalyp ketken er adamnyń denesi Jaıyq ózeninen jeti kúnnen keıin tabyldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, 30 qarasha kúni Báıterek aýdany ıAnvartsev aýyly tusynda Jaıyq ózeninen 34 jastaǵy er adamnyń zorlyq-zombylyq belgileri bar denesi tabyldy.

Marqum 23 qarasha kúni iz-túzsiz joǵalyp ketken bolatyn.

Jedel izdestirý is-sharalary barysynda Prıýral polıtsııa bólimi ıAnvartsev aýylynyń S. degen turǵynyn anyqtap, ustady.

Kúdikti osy qylmysty jasaǵanyn moıyndady. Ol QR Qylmystyq isti júrgizý kodeksiniń 128-baby tártibimen ýaqytsha ustaý ızolıatoryna qamaldy.

Qazirgi kezde QR QK 99-baby 1-bóligine (adam óltirý) sáıkes sotqa deıingi tergeý amaldary júrgizilýde.

Eske sala keteıik, budan buryn BQO-da izdeý jarııalanǵan eki er adamnyń biriniń denesi tabylǵanyn jazǵan bolatynbyz.




Joǵary qaraı