Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Asqar Mamın qazaqstandyqtardy Tuńǵysh Prezıdent kúnimen quttyqtady

2021 jyldyń 1 jeltoqsan 2021 16:55

NUR-SULTAN. QazAqparat - QR Premer-Mınıstri Asqar Mamın qazaqstandyqtardy Qazaqstan Respýblıkasynyń Tuńǵysh Prezıdenti kúnimen quttyqtady, dep habarlaıdy QazAqparat primeminister.kz-ge silteme jasap.

«Táýelsizdiktiń 30 jylynda QR Tuńǵysh Prezıdenti – Elbasy Nursultan Ábishuly Nazarbaevtyń bastamasymen áleýmettik-ekonomıkalyq jáne qoǵamdyq-saıası reformalardyń ýaqytyly ári tıimdi júzege asyrylýynyń arqasynda Qazaqstan óziniń damý jolynda eleýli serpilis jasady.

Búgingi tańda Qazaqstan – ekonomıkasy qýatty, Konstıtýtsııasy ozyq, tıimdi bılik ınstıtýttary bar, memlekettik shekarasy tolyqtaı halyqaralyq turǵyda resimdelgen ornyqty jáne progressıvti memleket retinde qalyptasty dep nyq senimmen aıtýǵa bolady», delingen quttyqtaýda.

Asqar Mamınniń aıtýynsha, aımaqtyń zamanaýı ekonomıkalyq, áleýmettik jáne mádenı ortalyǵyna aınalǵan Nur-Sultan qalasy boı kóterdi.

«Elbasy ekonomıkanyń odan ári turaqty ósýin qamtamasyz etýge jáne halyqtyń turmys sapasyn arttyrýǵa jol ashatyn Qazaqstan damýynyń jańa kezeńiniń irgetasyn qalap, strategııalyq baǵytyn aıqyndady.

Barlyq qazaqstandyqqa zor densaýlyq, tatýlyq pen amandyq tileımin!»,- dedi QR Premer-Mınıstri.


Joǵary qaraı