Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda qalalyq Dostyq úıi ashyldy

2021 jyldyń 1 jeltoqsan 2021 13:48

ALMATY. QazAqparat - Búgin, 1 jeltoqsanda, Almatynyń qalalyq Dostyq úıi saltanatty túrde ashyldy, dep habarlaıdy QazAqparat tilshisi.

Qazaqstan halqy Assambleıasy músheleriniń aıtýynsha, bul Almatydaǵy etnomádenı birlestikterdiń barlyq ókilderi úshin úlken mańyzǵa ıe. Qazaqstan halqy Assambleıasyn qurýdyń bastaýynda Elbasy Nursultan Nazarbaev turdy. Tuńǵysh Prezıdent ulttyq tarıhqa degen qushtarlyq barlyq qazaqstandyqtardyń boıynda óz bastaýlarynyń birligi sezimin qalyptastyratynyn atap ótken bolatyn.

Almaty – kóptegen erekshelikteri jáne túrli ólshemderi boıynsha biregeı qala. Eń aldymen, etnıkalyq, mádenı ártúrlilik boıynsha. Sondyqtan megapolıs ákimi Baqytjan Saǵyntaevtyń tapsyrmasy boıynsha ashylǵan qalalyq Dostyq úıi etnosaralyq dıalog, ózara is-qımyl jáne qoǵamdyq uıymdarmen yntymaqtastyq alańyna aınalady. Endi 36 etnomádenı birlestik bir shańyraq astynda bolady.













T. Jarokov kóshesinde ornalasqan keń ǵımaratta dástúrlerdi, tilderdi, mádenıetti saqtaý úshin barlyq jaǵdaı jasalǵan. 24 kabınet, konferents-zal, til synyby, bı zaly, medıatsııa jáne qoǵamdyq kelisim keńesi kabınetteri, sondaı-aq qoǵamdyq qabyldaý bólmesi qarastyrylǵan.

Almaty qalasy Qazaqstan halqy Assambleıasy tóraǵasynyń qoǵamdyq orynbasary, «Ildash» tatar gýmanıtarlyq damý ortalyǵynyń tóraıymy Nurııa Nııazova Dostyq úıiniń ashylýy qalalyq etnomádenı birlestikter úshin tarıhı sát ekenin atap ótti.

«Almaty ákimi Baqytjan Saǵyntaevtyń bizge, qalalyq Assambleıaǵa turaqty qoldaýynyń arqasynda kópten kútken ózimizdiń qalalyq Dostyq úıimiz ashyldy. Bul Qazaqstan Respýblıkasy Táýelsizdiginiń 30 jyldyǵynda jáne Tuńǵysh Prezıdent kúnine oraılastyrylǵan. Osy múmkindikti paıdalana otyryp, búkil qalalyq Assambleıa atynan qalalyq etnomádenı birlestikter úshin osy mereıtoılyq syılyq úshin shynaıy alǵysymdy bildirgim keledi», - dedi Núrııa Nııazova.

Almaty qalasy QHA Qoǵamdyq kelisim keńesiniń tóraǵasy Ahmetjan Shardınov ortaq shańyraq astyndaǵy etnomádenı ortalyqtar megapolıstegi etnosaralyq kelisimdi saqtaý úshin odan ári jumys isteıtinin aıtty.













« Dostyq úıi – bul bizdiń qoǵamda ornyqqan úılesim men berik beıbitshilikti beıneleıtin sımvoldyq nyshan. Sondyqtan onyń ashylýy qalamyzda beıbitshilik pen kelisimniń saqtalýyna yqpal etetin taǵy bir faktor bolýy tıis. Qazaqstanda turatyn barlyq ult ókilderiniń arasyndaǵy beıbitshilik turaqty ekonomıkalyq ósimniń, Áleýmettik jáne mádenı progrestiń negizi bolyp tabylady», - deıdi ol.

Óz kezeginde, «Qazaqstandyq orys mádenı ortalyǵynyń» basshysy, Almaty qalasy QHA tóraǵasynyń orynbasary Vsevolod Lýkashev jańa qalalyq Dostyq úıi endi barlyq qaýymdar úshin etnosaralyq qatynastar salasyndaǵy odan ári jumys boıynsha naǵyz baǵdar bolatynyn tilge tıek etti.

«Qalalyq Dostyq úıiniń ashylýy qazaqstandyq biregeılik pen jalpyulttyq birlikti nyǵaıtýǵa, Qazaqstannyń etnostyq toptarynyń dástúrlerin, tilderin, mádenıetterin saqtaý, etnosaralyq toleranttylyq pen qoǵamdyq kelisimdi qalyptastyrý boıynsha ortaq mindetterdi sheshýge, sondaı-aq Assambleıanyń maqsattary men mindetterine qol jetkizýde etnomádenı birlestikterdiń kúsh-jigerin biriktirýge yqpal etedi», - dedi ol.

Eske salsaq, Qazaqstan Prezıdenti Qasym-Jomart Toqaev Dostyq úıleri barlyq azamattyq qoǵam ınstıtýttary úshin resýrstyq ortalyqtarǵa aınalýy tıis ekenin aıtqan bolatyn.














Avtor Alma Muqanova
Basty sózder: Almaty, Qoǵam,
Joǵary qaraı