Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede oblystyq máslıhattyń eks-depýtaty aqtalyp shyqty

2021 jyldyń 30 qarasha 2021 22:26

AQTÓBE. QazAqparat - Aqtóbede Qylmystyq kodekstiń «On alty jasqa tolmaǵan adammen jynystyq qatynas nemese seksýaldyq sıpattaǵy ózge de áreketter jasaý» baby boıynsha aıyptalǵan oblystyq máslıhattyń eks-depýtaty Arkadıı Nıge qatysty sot úkimi shyqty. Ol sot zalynan aqtalyp shyqty, dep habarlaıdy QazAqparat tilshisi.

Búgin Aqtóbe oblystyq qylmystyq ister jónindegi mamandandyrylǵan aýdanaralyq sotynda eks-depýtat Arkadıı Nı men jábirlenýshiniń anasy, onyń tanysyna qatysty sot úkimi shyqty. Іs materıalyna súıensek, sottalýshy Arkadıı Nıge Qylmystyq kodekstiń «On alty jasqa tolmaǵan adammen jynystyq qatynas nemese seksýaldyq sıpattaǵy ózge de áreketter jasaý» baby boıynsha aıyp taǵyldy.

Sonymen birge jábirlenýshiniń anasy men anasynyń tanysy da aıyptalýshylar qatarynda otyrdy. Jábirlenýshiniń anasy óz tanysynyń kásipker Arkadıı Nıdi tanıtynyn bilip, aqsha tabý maqsatynda qyzyn iske aralastyrady. Qyzyna psıhologııalyq soqqy jasap, ony kóndiredi. Sóıtip jasóspirim anasynyń aıtqanyn istep, tergeý kezinde jalǵan túsinikteme bergen. Ózine aıyptalýshy A.Nı seksýaldyq zorlyq kórsetkenin aıtqan.

Sot otyrysy kezinde jábirlenýshiniń anasy qyzyn kóndirgenin, qomaqty aqsha almaq oımen osy áreketke barǵanyn jetkizdi. Al jasóspirim sot otyrysy kezinde anasynyń bul aıtqanyn rastady. Sonymen birge sot-medıtsınalyq saraptama jasalyp, zorlyq árekettik bolmaǵany dáleldendi.

«Sot Arkadıı Nı men jábirlenýshi qyzdyń anasynyń tanysyn kinásiz dep tanyp, aqtady. Al jábirlenýshiniń anasy «Kámeletke tolmaǵan adamdy qylmystyq quqyq buzýshylyqtar jasaýǵa tartý», «Kórineý jalǵan sóz jetkizý» baptarymen aıypty dep tanylyp, 6 jylǵa bas bostandyǵynan aıyrý jazasy taǵaıyndaldy. Onyń kámelet jasqa tolmaǵan balalary bar. Sondyqtan jazany óteý merzimi 5 jylǵa keıinge shegeriledi. Sonymen birge sot oblystyq polıtsııa departamenti men Sot saraptama ınstıtýtynyń dırektoryna qatysty jeke qaýly shyǵardy. Sot úkimi kúshine engen joq», - dep habarlady Aqtóbe oblystyq qylmystyq ister jónindegi mamandandyrylǵan aýdanaralyq soty.


Joǵary qaraı