Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Otandastar» qory Qamqorshylar keńesiniń jańa quramy tanystyryldy

2021 jyldyń 30 qarasha 2021 20:26

NUR-SULTAN. QazAqparat - Qazaqstan Respýblıkasynyń Memlekettik hatshysy Q.E.Kósherbaevtyń tóraǵalyǵymen «Otandastar qory» kommertsııalyq emes aktsıonerlik qoǵamy Qamqorshylar keńesiniń kezekti otyrysy ótti, dep habarlaıdy QazAqparat Aqparat jáne qoǵamdyq damý mınıstrligine silteme jasap.

Keńes otyrysyna QR Memlekettik hatshysy Q.E. Kósherbaev, QR Prezıdenti Ákimshiligi Basshysynyń birinshi orynbasary D. Abaev, QR Premer-mınıstriniń orynbasary E. Toǵjanov, QR Parlamenti Májilisiniń depýtattary jáne «Otandastar qory» KeAQ Qamqorshylar keńesiniń basqa da músheleri qatysty.

Keńes otyrysynyń kún tártibinde memlekettik tapsyrmany oryndaý boıynsha uıymnyń jumysy týraly jáne alǵa qoıylǵan mindetteri týraly máseleler qaraldy.

Keńes otyrysynyń qorytyndysymen Memlekettik hatshy quzyrly memlekettik organ basshylaryna qor jumysyn jandandyrý boıynsha tıisti tapsyrmalar berdi.

Sonymen birge, «Otandastar qory» qoǵamy Qamqorshylar keńesiniń jańa quramy tanystyrylyp, keńestiń tóraǵalyǵyna QR Memlekettik hatshysy Q.E.Kósherbaev jáne orynbasarlyǵyna QR Prezıdenti Ákimshiligi Basshysynyń birinshi orynbasary D. Abaev pen QR Premer-mınıstriniń orynbasary E.Toǵjanov saılandy.











Joǵary qaraı