Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jańa qaýly: «Omıkron» shtamy taraǵan elderden kelgen jolaýshy 7 kúnge oqshaýlanady

2021 jyldyń 30 qarasha 2021 20:23

NUR-SULTAN. QazAqparat – QR Bas sanıtar dárigeri Erlan Qııasovtyń jańa qaýlysy boıynsha 10 memleketten kelgen jolaýshylar 7 kúnge oqshaýlanady, dep habalaıdy QazAqparat tilshisi.

«Osy qaýlyǵa qosymshada kórsetilgen elderden Qazaqstan Respýblıkasyna kelgen jáne sońǵy 14 kún ishinde baryp kelgen adamdar 7 kúnge úıde oqshaýlansyn (úı karantıni). Úı karantınine oqshaýlaý PTR ádisimen COVID-19-ǵa testileýdiń teris nátıjesi bar anyqtamanyń jáne COVID-19-ǵa qarsy vaktsınatsııalaýdyń bar-joǵyna qaramastan júrgiziledi», - dep jazylǵan qaýlyda.

Atalmysh qosymshadaǵy tizimde Izraıl, Chehııa, Nıderland, Ulybrıtanııa, Italııa, Germanııa, Aýstralııa, Kanada, Belgııa jáne Egıpet memleketteri kórsetilgen.

Sondaı-aq, qujatta Qazaqstan Respýblıkasyna shetelden avıareıstermen keletin úkimettik delegatsııalar men avıakompanııa ekıpajdarynan basqa adamdardyń bári termometrııadan, saýalnamadan ótetini aıtylǵan.

Qaýly 3 jeltoqsanda saǵat 00.00-den bastap kúshine enedi. Qujattyń tolyq mátinin myna siltemeden oqýǵa bolady.


Joǵary qaraı