Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraýda ıesiz júrgen jylqy dámhana áınegin syndyrýǵa shaq qaldy

2021 jyldyń 30 qarasha 2021 22:34

ATYRAÝ. QazAqparat – Atyraýda ıesiz júrgen jylqy dámhana áınegin syndyrýǵa shaq qaldy, dep habarlaıdy QazAqparat.

Atyraý qalasynyń turǵyndary tórt túliktiń kóshe kezip júretini týraly birneshe ret shaǵymdanǵan edi.

Al, búgin Іnstagram jelisinde ıesiz júrgen jylqynyń dámhana áınegin tepkilep turǵany túsirilgen vıdeo tarady.

Jeli qoldanýshylarynyń pikirine súıensek, bul oqıǵa Jylyoı aýdanynyń ortalyǵy – Qulsary qalasynda bolǵan. Al, dámhana monoqalanyń 3-shaǵyn aýdanynda ornalasqan. Sol kezde dámhananyń jumys istegeni, ne jabyq turǵany belgisiz.

Vıdeoǵa baılanysty jeli qoldanýshylary túrli pikir bildirip jatyr. Alaıda, shaóar kóshesinde júrgen jylqynyń ıesi áli tabylmaǵan.

Eske sala ketelik, budan buryn Atyraýda aıaldamanyń shyny qorshaýyn syndyrǵan buzaqy izdestirilip jatqanyn habarlaǵan bolatynbyz.



Avtor Bek Mustafa
Basty sózder: Oqıǵa, Atyraý oblysy,
Joǵary qaraı