4 jalǵan fırmany basqarǵan Pavlodar turǵyny sottaldy

PAVLODAR. QazAqparat - 800 mıllıon teńgeden astam kólemde memleketke zalal keltirgen Pavlodar qalasynyń turǵyny sottaldy, dep habarlaıdy QazAqparat Qarjylyq monıtorıng agenttiginiń baspasóz qyzmetine silteme jasap.

Agenttiktiń Pavlodar oblysy boıynsha aýmaqtyq departamenti jalǵan shot-faktýralardy jazyp berý deregi boıynsha Pavlodar qalasynyń turǵyny P.Ysqaqovqa qatysty qylmystyq isti aıaqtady.

«P.Ysqaqov eki jyl boıy josyqsyz kompanııalarǵa salyq tóleýden jaltarýǵa járdemdesken. Zańǵa qaıshy shemaǵa ol baqylaýyndaǵy 4 jalǵan fırmany –«Treıd Market KZ» JShS, «QazQyzmet 2050» JShS, «KazStokInvest» JShS jáne «Jolbarys 2050» JShS paıdalandy», delingen habarlamada.

Osylaısha memleketke tólenbegen salyq túrinde 827 mln teńgeden astam somaǵa zalal keltirilgen.

P. Ysqaqov 4 jylǵa bas bostandyǵynan aıyryldy.