Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandy men Temirtaý qalalary ortalyq gaz jelisine qosyldy

2021 jyldyń 30 qarasha 2021 18:21

QARAǴANDY. QazAqparat - Qaraǵandy oblysynyń turǵyndary Tuńǵysh Prezıdent kúni men Táýelsizdiktiń 30 jyldyǵy qarsańynda «Saryarqa» magıstraldyq gaz qubyry arqyly kópten kútken kógildir otynǵa qol jetkizdi. Ortalyqtandyrylǵan gazǵa alǵashqy bolyp Qaraǵandy men Temirtaý qalalary qosyldy, dep habarlaıdy QazAqparat.

– Búgingi meniń qýanyshymdy sózben jetkizý múmkin emes. Kómir tasý, kúl shyǵarýdyń azaby qandaı ekenin kóp adam bile bermeıdi. Qazir aýyr jumysqa shamam da kelmeıdi. Endi kómir tasyp, azaptanýdyń qajeti joq. Qosyp qoıyp, arasynda baqylap turamyn. «QazTransGaz» qyzmetkerlerine alǵysym sheksiz, - deıdi Vıacheslav Brajnıkov.




Vıacheslav Brajnıkovtyń úıine gaz arqyly jylytýǵa qajetti barlyq tehnıka ornatylǵan. Tipti ıis tıýdiń aldyn alatyn qaýipsizdik qurylǵysy da bar.

Qazirgi tańda Temirtaý qalasy boıynsha 500-ge jýyq úı gazǵa qosylýǵa daıyn. 2025 jylǵa qaraı qaladaǵy 5 myńǵa tarta turǵyn úıge ortalyqtandyrylǵan gaz tartylady.

Sondaı-aq aldaǵy tańda óńirdegi iri kásiporyndardy da birtindep gazǵa qosý jumystary júrgizilmek.

Bul aýaǵa jiberiletin zııandy qaldyqtardyń kólemin azaıtyp, ekologııalyq máselelerdi ońtaıly sheshýge múmkindik beredi.

Jalpy Qaraǵandy qalasynda eki qosý kesheni iske qosylyp, 64 shaqyrymnan astam gaz qubyry salyndy.

Jobanyń birinshi kezeńinde 3 myńǵa jýyq úıdi gazdandyrýǵa múmkindik berse, aldaǵy ýaqytta taǵy 13 myńǵa jýyq tutynýshy kógildir otynǵa qol jetkizedi.

– Úsh jyl buryn «Saryarqa» gaz qubyryn salý jobasy bastalǵan bolatyn. Magıstraldyq jelilerdi tartý ótken jyly aıaqtaldy. Bıyl úılerge taratý jelileri júrgizilip, jumystar sátti aıaqtaldy. Bul halyqtyń turmys jaǵdaıyn jaqsartýǵa jáne kóptegen ekologııalyq máselelerdi ońtaıly sheshýge múmkindik beredi. Elimizdiń 30 jyldyǵy men Tuńǵysh Prezıdent kúni qarsańynda ótken búgingi sharany úlken jetistik dep sanaımyn,– dedi Qaraǵandy oblysynyń ákimi Jeńis Qasymbek.




Qaraǵandydaǵy gazdyń kelýin qala turǵyndary zor qýanyshpen qarsy aldy.

Ásirese, Mıhaılov shaǵyn aýdanynda turatyn Jeńisbek esimdi qarttyń qýanyshy erekshe.

– Biz úshin búgin armandardyń oryndalǵan kúni. Ózim jer úıde turǵandyqtan ot jaǵýdyń qıyndyǵyn bir kisideı bilemin. Gaz ben kómir arasyndaǵy aıyrmashylyqty da bilesizder. Kómirdiń shańymen únemi dem alý aǵzaǵa zııandy. Barlyq qala turǵyndaryn búgingi qýanyshtarymen quttyqtaımyn. Osy iske bastamashyl bolǵan adamdarǵa alǵysym sheksiz, – deıdi qala turǵyny Jeńisbek Súıindikuly.

Qaraǵandy oblysynyń iri úsh qalasynda gaz qubyrlaryn tartý jobasynyń birinshi kezeńi aıaqtaldy. Nysandar «QazTransGaz Aımaq» AQ basqarýyna berildi. Onyń mindetterine gazdy taratý ,tasymaldaý kiredi. Aldaǵy kúnderi Jezqazǵan qalasyndaǵy úıler gazǵa qosylady dep josparlanýda.

Mereke qarsańynda Elbasynyń eńbek joly bastalǵan – Temirtaý qalasynda Tuńǵysh Prezıdent kúnin erekshe atap ótildi.

Osyǵan oraı metallýrgter qalasynda kóptegen ult pen ulystyń basyn biriktiretin Dostyq úıi ashyldy.

Jańa áleýmettik nysandy Qaraǵandy oblysynyń ákimi Jeńis Qasymbek aralap, qoǵam belsendilerin qonys toıymen quttyqtady.

Kásiptik-tehnıkalyq ýchılıeniń bos turǵan ǵımaraty qaıt túlep, «Dostyq úıine» aınaldy.

Ǵımaratta etnomádenı birlestikter, ÚEU, jastar jáne eriktiler uıymdaryna arnalǵan 57 kabınet jabdyqtalǵan.

Tipti shyǵarmashylyq jastar úshin arnaıy medıa stýdııasy da bar.

Sondaı-aq munda túrli ult ókilderi memlekettik tildi úırenip, jetildire alatyn til klýby jumys isteıdi.

Aldaǵy ýaqytta «Rýhanı jańǵyrý» baǵdarlamasy aıasynda medıatsııa kabınetterin ashý josparlanýda.

Igi sharalardyń sońy Temirtaýdaǵy Tuńǵysh Prezıdenttiń tarıhı-mádenı ortalyǵynda saltanatty is-sharamen jalǵasyn tapty.

Sharaǵa Elbasynyń eńbek jolyndaǵy áriptesteri men Táýelsizdiktiń qurdastary qatysty.

– Bıyl Táýelsizdiktiń 30 jyldyǵyn qorytyndylaı kele, bizdiń elimiz Tuńǵysh Prezıdenttiń basshylyǵymen jahandyq tarıh úshin qysqa merzim ishinde konomıkalyq, saıası jáne mádenı serpilis jasaǵanyn aıqyn kórýge bolady. Josparly qurylǵan qolaıly ınvestıtsııalyq ahýaldyń arqasynda aımaǵymyzda jańa tehnologııalardy qoldana otyryp, 100-ge jýyq iri jańa kásiporyndar paıda boldy. Shıkizat óńirinen biz damyǵan kásipkerlik klasterge deıin óstik. Búginde oblystyń árbir úshinshi turǵyny shaǵyn jáne orta bızneske tartylǵan, – dep atap ótti Jeńis Qasymbek óz sózinde.

Aımaq basshysy sharaǵa qatysqan Elbasynyń eńbek jolyndaǵy áriptesterine alǵysyn bildirdi.

Al Nursultan Ábishulymen birge jumys istegen ardagerler tuńǵysh prezıdenttiń jastyq shaǵy men Temirtaýǵa saparlary týraly estelikterimen bólisti.

Al jastyq jalyny basyla qoımaǵan Táýelsizdik qurdastary ózderiniń ártúrli salalardaǵy jetistikteri týraly aıtyp berdi.











Joǵary qaraı